Qazaqstanda myńnan asa sheneýnik jumystan shyǵarylýy múmkin. Búginde elimizde ártúrli deńgeıde 98 myń sheneýnik jumys isteıdi. Bul týraly ulttyq ekonomıka mınıstri Tımýr Súleımenov málimdedi.
Birer aı buryn kásipkerlikti retteý týraly zańnamaǵa Elbasy qol qoıǵan. Osy zańnama aıasynda taldaý júrgizilip, sheneýnikterdiń sanyn qysqartý boıynsha naqty jospar jasaldy. Ázirge josparǵa 1 131 sheneýnik enip otyr. Súleımenovtiń aıtýynsha, sheneýnikterdi qysqartý týraly sońǵy sheshimdi úkimet pen prezıdent ákimshiligi qabyldaıdy.
Mundaı ózgeristiń maqsaty – bıznesti retteý salasyndaǵy zańnamany jetildirý. Al zańǵa sáıkes memlekettik baqylaý fýnksıalaryn 30 paıyzǵa qysqartý kózdelip otyr.
Pikir qaldyrý