Qazaqstan Respýblıkasynda 2018 jyldyń basynan bastap menıngokok ınfeksıasynyń 62 jaǵdaıy tirkeldi, onyń ishinde stasıonarlyq emdeýde 7 adam, 42 adam shyǵarylǵan jáne 13 jaǵdaı ólimmen aıaqtalǵan: Almaty q. – 6 jaǵdaı, Almaty oblysynda – 3 jaǵdaı, Ońtústik Qazaqstan oblysynda - 3 jaǵdaı jáne Qyzylorda oblysynda – 1 jaǵdaı, dep jazady Qamshy.kz aqparat agenttigi QR DSM baspasóz qyzmetine silteme jasap.  

Epıdemıaǵa qarsy is-sharalar jalǵasýda.

Profılaktıkasy

Kataraldyq belgileri (tamaq qyzarý, dene qyzýynyń kóterilýi, bastyń aýyrýy, álsizdik) bar aýrýdyń alǵashqy sımptomdary paıda bolǵan kezde qalanyń ınfeksıalyq aýrýlar stasıonarlarynyń qabyldaý bólimderine nemese jaqyn jerdegi emdeý mekemesine júginý qajet.

Ártúrli mádenı-kópshilik is-sharalarǵa qatysýdy, júzý baseınderine, saýda-oıyn-saýyq ortalyqtaryndaǵy oıyn alańdaryna barýdy shekteý, jeke gıgıenany saqtaý qajet.

Uıymdastyrylǵan ujymdarda bólmelerdi jıi jeldetý, ylǵaldy tazalaý júrgizý kerek.

Sozylmaly ınfeksıasy bar  oshaqtarǵa sanasıalaý júrgizgen mańyzdy, balalarda bul kóbine LOR-organdaryna qatysty, sondyqtan balalar otorınolarıngologyna jıi barý jáne múmkindiginshe profılaktıkalyq túrde bolýy kerek.

Tek qaınaǵan nemese bótelkedegi sýdy qoldaný qajet.

Sýyqtaý, ashyǵý, uıqynyń qanbaýy, stress jáne t.b. boldyrmaý qajet.

Aýrýdy emdegennen onyń aldyn alǵan áldeqaıda jeńil ekendigin árqashan este saqtaý qajet!