San-Fransıskoda Instagram-nyń negizin qalaýshylar bir saǵattyq vıdeolardy tamashalaýǵa arnalǵan IGTV qosymshasyn iske qosty, dep habarlaıdy Qamshy.kz aqparat agenttigi. 

Kompanıanyń málimdeýinshe, bul servıstiń ereksheligi qoldanýshy ózi jazylǵan adamdardy izdep ýaqyt jumsamaıdy.

«Biz bárin túsinikti etip jasadyq. Teledıdar qosqan kezdegideı qosymsha ashylǵanda IGTV vıdeolardy dereý kórsete beredi. Sizge ózińiz jazylǵan adamdardy izdep áýre bolýdyń qajeti joq», - delingen habarlamada.

Servıs qoldanýshylarǵa «siz úshin», «siz jazyldyńyz», «tanymaldar», «kórýge usynylǵan» fýnksıalaryn ózara qosyp qoıýdy usynady. Vıdeony tamashalaǵan kez-kelgen adam pikir qaldyryp, dostaryna direct-ke jibere alady.

Telearnadaǵydaı IGTV-da servıs qoldanýshylary ashqan túrli kanaldar bolady. Kompanıa ókilderiniń aıtýynsha vıdeolardy Instagram qosymshasynan qaraı berýge bolady.

Qosymsha aldaǵy ýaqytta iOS, Android paıdalanýshylary úshin qoljetimdi bolmaq.

Sonymen qatar servıstiń prezentasıasynda Instagram- mıllıard qoldanýshysy bar jahandyq qosymshaǵa aınalǵany málim boldy.

 «Biz 2010 jyldan beri qosymshanyń damýy men keń qanat jaıýyna kýá boldyq. Bul úlken jetistik. Sol sebepti barlyǵyńyzǵa kóp raqmet», - delingen Instagram blogynda.