Quryltaıda Qazaqstan Musylmandary Dinı Basqarmasynyń jańa bas múftıi saılandy. Endi elimizdiń Bas Múftıi, Dinbasy – Shyǵys Qazaqstan oblysy, Semeı óńir ımamy Erjan Maıamerov.

Talap boıynsha Bas múftı bolý úshin qyryq jastan asqan, joǵary bilimi bolýy kerek. Barlyq el ımamdary biraýyzdan qoldaǵan Erjan Malǵajyuly sol jerde óziniń naıb múftılerin saılady. Múftıdiń orynbasarlary bolyp «Áziret Sultan» meshitiniń bas ımamy Qaırat Joldybaıuly men Qostanaı Maral ıshan meshitiniń Hatıb-ımamy Serikbaı Oraz taǵaıyndaldy.

Maıamerov Erjan Malǵajyuly 1972 jyly 16 jeltoqsan kúni dúnıege kelgen. 1990 jyly Maqanshy aýylyndaǵy Ǵanı Muratbaev atyndaǵy orta mektepti támamdaǵan. 1991-1993 jyldary Otan aldyndaǵy áskerı boryshyn ótep kelgen soń, Sol jyly Mysyrdaǵy Ál-Azhar Islam ýnıversıtetiniń sharıǵat jáne zań fakúltetine oqýǵa qabyldanyp, 2006 tamamdady. 2006-2008 jyldary aralyǵynda Mysyr eli mýftıatynyń pátýa shyǵarý bóliminde bilimin jalǵastyrdy. 2011 jyly 10 qazan kúni Bas múftı Ábsattar qajy Derbisáli hazirettiń uıǵarymymen, Maıamerov Erjan Malǵajyuly QMDB-nyń Semeı óńirindegi ókil ımamy bolyp taǵaıyndaldy. Úılengen 3 balasy bar.

muslim.kz