Ýkraına Reseıdiń birneshe saıası partıasy men qoǵamdyq qozǵalysyna, Ortalyq saılaý komısıasyna, buǵan qosa Reseıdiń prezıdentke jaqyn kásipkerlerine qarsy sanksıa saldy. 21 maýsymda shyqqan tıisti jarlyqqa Ýkraına prezıdenti Petr Poroshenko qol qoıdy.

Aktıvterdi buǵattaý men jeke tulǵalardyń elge kirýine tyıym salynǵany jaıly qujat tizimine «Birlesken Reseı», Reseıdiń lıberaldyq-demokratıalyq partıasy, RF-nyń komýnıstik partıasy, «Otan», «Reseı patrıottary», «Agrarlyq partıa» jáne «Reseıdiń demokratıalyq partıasy» kirdi.

Buǵan qosa Ortalyq saılaý komıtetiniń basshysy Ella Pamfılova men orynbasary Nıkolaı Býlaev qara tizimnen kórindi. Sonymen qatar birneshe qoǵamdyq qozǵalys uıymdary da bar.

Ýkraına Reseıge qarsy sanksıalardy 2004 jyldan bastap engize bastaǵan. Reseılik BAQ, memlekettik kompanıalar, saıasatkerler, kásipkerler jáne qoǵam qaıratkerlerine qarsy salynǵan alǵashqy sanksıalar Qyrym aneksıasyna baılanysty bolǵan.