Batys basylymdarynyń baıqaýynsha AQSH Qorǵanys mınıstrliginiń saıtynda mekeme mısıasy týraly mátinge ózgeris engen. Alaıda Pentagon bul týraly eshqandaı da resmı málimdeme jasamaǵan dep jazady Qamshy.kz aqparat agenttigi.

Buǵan deıin Pentagon saıtynda Qorǵanys mınıstrliginiń mısıasy «soǵysty tyıý» dep kórsetilip kelgen. Atalǵan tekst endi «Sheteldegi Amerıka yqpalyn kúsheıtý» dep jazylǵan.  «Qorǵanys mınıstrliginiń mindeti — otanymyzdyń qaýipsizdigin qorǵaýda joıqyn kúsh biriktirý jáne shetelde Amerıka yqpalyn kúsheıtý» dep jazylǵan tolyq mátinde.

Osylaısha Donald Tramp tusyndaǵy Pentagonda «eleýsiz» ózgerister júrip jatyr. Aıta ketetin bolsaq, Tramp osyǵan deıin  AQSH Kıberqaýipsizdik jasaǵyn strategıalyq kúshteri qolbasshylyǵynan AQSH qarýly kúshterinde derbes áskerı qolbasshylyqqa aınaldyrǵan.
19 maýsymda  Ǵarysh kúshterin qurý týraly jarlyq shyǵardy. Jarlyqty AQSH Senaty qabyldaı qoısa olarda endi 12 áskerı qolbasshylyq bolady.