Oral qalasynyń burynǵy ákim orynbasarynyń balasy Igor Dremasov eki bankomattan 8,2 mln.teńge urlaımyn dep temir tordan biraq shyqty dep habarlaıdy Qamshy.kz aqparat agenttigi «ÝN-ǵa» súıene otyryp. Jergilikti qylmystyq sot Igor Dremasov pen onyń qasynda bolǵan Anton Emelánov men Dmıtrıı Zaıkındi 5 jylǵa bas bostandyǵynan aıyrdy. Mán-jaıǵa keler bolsaq, 2017 jyldyń jeltoqsanynda Dremasov qasyndaǵy sybaılastarymen azyq-túlik dúkenindegi «Kaspı banktiń» termınalyn buzyp, 5,1 mıllıon teńgeni alyp ketken. Keler jyly eski jospardy basshylyqqa ala otyryp taǵy bir termınalǵa shabýyl jasap, 3,1 mıllıon teńge jymqyrǵan.
Temir torǵa toǵytylǵan úsheý óz kinálaryn moıyndap, urlaǵan aqshalaryn qaıtardy.
