Qazaqstan Respýblıkasynyń prezıdenti Nursultan Nazarbaev Qaýipsizdik keńesin ómir boıy basqarý quqyǵyna ıe boldy. Tıisti zań «Egemen Qazaqstan» gazetinde beısenbide jarıalanyp kúshine endi, dep jazady Qamshy.kz aqparat agenttigi.

Bıyl 5 shildede parlament músheleri osy zańdy maquldap, Memleket basshysy zańǵa qol qoıǵan bolatyn. Qazaqstannyń Konstıtýsıalyq keńesi qujatty Konstıtýsıaǵa sáıkes dep tanydy. “Qazaqstan Respýblıkasynyń Tuńǵysh Prezıdenti – Elbasyna ómir boıy Qazaqstannyń Qaýipsizdik keńesiniń tóraǵasy bolý quqyǵy berildi”, – delingen jarıalanǵan zańda.

Ádilet mınıstri Marat Beketaev «Nazarbaevtyń Qaýipsizdik keńesin ómir boıy basqarý týraly sheshimi turaqtylyqtyń saqtalýy men nyǵaıýynyń faktory» dep málimdegen.

Zańnyń tolyq mátini tómendegideı:

Qazaqstan Respýblıkasynyń Qaýipsizdik Keńesi týraly

Osy Zań Qazaqstan Respýblıkasy Qaýipsizdik Keńesiniń quqyqtyq mártebesin, quzyretin jáne qyzmetin uıymdastyrýdy aıqyndaıdy.

1-taraý. JALPY EREJELER

1-bap. Qaýipsizdik Keńesiniń quqyqtyq már tebesi jáne qyzmetiniń negizi

1. Qazaqstan Respýblıkasynyń Qaýipsizdik Keńesi (budan ári – Qaýipsizdik Keńesi) ishki saıası turaqtylyqty saqtaý, konstıtýsıalyq qurylysty, memlekettik táýelsizdikti, aýmaqtyq tutastyqty jáne halyqaralyq arenada Qazaqstannyń ult tyq múddelerin qorǵaý maqsatynda Qazaqstan Respýblıkasynyń Prezıdenti quratyn jáne Qazaqstan Respýblıkasynyń ulttyq qaýipsizdigi men qorǵanys qabiletin qamtamasyz etý salasynda biryńǵaı memlekettik saıasat júrgizýdi úıles tiretin konstıtýsıalyq organ bolyp tabylady.
2. Qazaqstan Respýblıkasynyń Tuńǵysh Prezıdentine – Elbasyna onyń tarıhı mısıasyna baılanysty Qaýipsizdik Keńesin Tóraǵa retinde basqarý quqyǵy ómir boıy tıesili.
3. Qaýipsizdik Keńesiniń quramyn Qazaqstan Respýblıkasynyń Prezıdenti Qaýipsizdik Keńesi niń Tóraǵasymen kelise otyryp qalyptastyrady.
4. Qaýipsizdik Keńesi qyzmetiniń quqyqtyq negizin Qazaqstan Respýblıkasynyń Konstıtýsıasy, osy Zań, Qaýipsizdik Keńesi týraly ereje, Qazaqstan Respýblıkasynyń ózge de normatıvtik quqyqtyq aktileri jáne Qazaqstan Respýblıkasynyń halyq aralyq sharttary quraıdy.
5. Qaýipsizdik Keńesi qyzmetiniń osy Zańmen rettelmegen máseleleri Qaýipsizdik Keńesi týraly erejemen retteledi.

2-bap. Qaýipsizdik Keńesiniń mindetteri

1. Qaýipsizdik Keńesiniń negizgi mindetteri eldiń ulttyq qaýipsizdigin qamtamasyz etý, qorǵanys qabi letin nyǵaıtý, zańdylyq pen quqyqtyq tár tipti qamtamasyz etý salasyndaǵy memlekettik saıa sattyń negizgi baǵyttaryn josparlaý, qaraý jáne olardyń iske asyrylýyn baǵalaý bolyp tabylady. Qaýipsizdik Keńesi Qazaqstan Respýblıkasynyń zań namasyna jáne Qaýipsizdik Keńesi Tóraǵasynyń she shimderine sáıkes ózge de mindetterdi oryndaıdy.
2. Qaýipsizdik Keńesi ózine júktelgen mindetterdi oryndaý úshin tıisti sheshimder men usynymdardy ázirleıdi jáne qabyldaıdy, memlekettik organdar men uıymdardyń qyzmetin úılestiredi.

3-bap. Qaýipsizdik Keńesiniń fýnksıalary

Qaýipsizdik Keńesiniń fýnksıalary mynalar bolyp tabylady:

1) memlekettik organdar men uıymdardyń el diń ulttyq qaýipsizdigi men halyqaralyq ustanymdaryn, memlekettiń qorǵanys qabiletin, zańdylyq pen quqyqtyq tártipti qamtamasyz etý salasyndaǵy is-sharalardy iske asyrý jónindegi qyzmetin úılestirý;

2) ulttyq qaýipsizdikti qamtamasyz etý jáne Qaýipsizdik Keńesiniń sheshimderin iske asyrý maqsatynda quqyq qorǵaý jáne arnaýly memlekettik organdardyń qyzmetin úılestirý;

3) el damýynyń asa mańyzdy baǵyttary boıynsha memlekettiń strategıalyq qujattarynyń oryndalý jaı-kúıin monıtorıńteý jáne baǵalaý;

4) memlekettik baǵdarlamalardy, zań jobalaryn, mańyzdy syrtqy saıası jáne memlekettik máni bar ózge de bastamalardy, sondaı-aq eldegi jaǵdaıdyń damýyn, álemdik jáne óńirlik úrdisterdi keshendi taldaý jáne baǵalaý, ulttyq qaýipsizdiktiń ishki jáne syrtqy qaterlerin boljaý, olardyń aldyn alý jáne olardy beıtaraptandyrý jónindegi usynystardy ázirleý jáne sharalardy aıqyndaý;

5) Qazaqstan Respýblıkasy Úkimetiniń ulttyq qaýipsizdikti, qorǵanys qabiletin, quqyqtyq tártip ti qamtamasyz etý salasyndaǵy qyzmetiniń nátıjeleri men negizgi baǵyttary týraly jyl saıynǵy baıandamasyn tyńdaý;

6) eldiń ulttyq qaýipsizdigi men qorǵanys qabi letin qamtamasyz etý salasyndaǵy memlekettik saıasatty iske asyrý máseleleri boıynsha mem lekettik organdardyń birinshi basshylaryn tyńdaý;

7) Qazaqstan Respýblıkasynyń ulttyq qaýipsizdikti, qorǵanys qabiletin jáne quqyqtyq tártipti qamtamasyz etý salasyndaǵy zańdarynyń oryndalýyn, onyń ishinde osy maqsattarǵa jumsalatyn qarajattyń tıimdi paıdalanylýyn baqylaýdy uıymdastyrý;

8) ortalyq jáne oblystardyń, respýblıkalyq mańyzy bar qalalardyń jáne astananyń jergi likti atqarýshy organdarynyń, sondaı-aq Qazaq stan Respýblıkasynyń Prezıdentine tikeleı baǵynatyn jáne esep beretin memlekettik organ dardyń birinshi basshy laýazymdaryna taǵaıyndaýǵa usynylatyn kandıdatýralardy talqylaý;

9) Qazaqstan Respýblıkasynyń zańnamasyna sáıkes ózge de fýnksıalar.

2-taraý. QAÝİPSİZDİK KEŃESİNİŃ QYZMETİN UIYMDASTYRÝ

4-bap. Qaýipsizdik Keńesi Tóraǵasynyń ókilettikteri

Qaýipsizdik Keńesiniń Tóraǵasy:

1) Qaýipsizdik Keńesiniń qyzmetine basshylyqty júzege asyrady;

2)Qaýipsizdik Keńesiniń otyrystary men jedel keńesterin shaqyrady;

3) Qaýipsizdik Keńesiniń múshelerine tapsyrmalar beredi;

4) Qaýipsizdik Keńesi týraly erejeni bekitedi;

5 ) Q a ý i p s i z d i k K e ń e s i A p p a r a t y n y ń uıymdyq-quqyqtyq mártebesin aıqyndaıdy, onyń Erejesi men qurylymyn bekitedi;

6) Qaýipsizdik Keńesiniń qyzmetine qatysty aktilerdi, onyń ishinde normatıvtik quqyqtyq sıpattaǵy aktilerdi shyǵarady;

7) Qazaqstan Respýblıkasynyń zańnamasynda kózdelgen ózge de ókilettikterdi júzege asyrady.

5-bap. Qaýipsizdik Keńesi músheleriniń ókilettikteri Qaýipsizdik Keńesiniń músheleri:

1) Qaýipsizdik Keńesiniń otyrystary men jedel keńesterine, Qaýipsizdik Keńesi kún tártibindegi máseleler boıynsha sheshimder qabyldaǵan kezde talqylaý men daýys berýge qatysady;

2) óz quzyreti sheginde Qaýipsizdik Keńesi sheshim deriniń oryndalýyn qamtamasyz etedi, Qaýipsizdik Keńesiniń jáne Qaýipsizdik Keńesi jedel keńesteriniń tıisti sheshimderiniń oryndalýyn úılestiredi jáne baqylaıdy;

3) Qaýipsizdik Keńesi týraly erejege, Qaýipsizdik Keńesiniń sheshimderine jáne Qaýipsizdik Keńesi Tóraǵasynyń tapsyrmalaryna sáıkes ózge de ókilettikterdi júzege asyrady.

6-bap. Qaýipsizdik Keńesiniń qyzmet nysandary men sheshimderi

1. Qaýipsizdik Keńesi óz qyzmetin otyrystar men jedel keńester nysanynda, sondaı-aq Qaýipsizdik Keńesi týraly erejede aıqyndalatyn ózge de nysandarda júzege asyrady.
2. Qaýipsizdik Keńesiniń otyrystary Qaýipsizdik Keńesi Tóraǵasynyń nemese Tóraǵanyń ýákilettik berýi boıynsha Qaýipsizdik Keńesi músheleriniń biriniń tóraǵalyq etýimen ótkiziledi. Qaýipsizdik Keńesiniń otyrystaryn ótkizý merzimdiligin Qaýipsizdik Keńesiniń Tóraǵasy aıqyndaıdy.
3. Qaýipsizdik Keńesiniń otyrystary onyń músheleriniń keminde úshten ekisi bolǵan kezde zańdy bolady. Qaýipsizdik Keńesi músheleriniń óz ókilettikterin ózge adamdarǵa berýine jol berilmeıdi.
4. Qaýipsizdik Keńesiniń sheshimderi qatysyp otyrǵan Qaýipsizdik Keńesi músheleriniń jalpy sanynyń qarapaıym kópshilik daýsymen qabyldanady. Daýystar teń bolǵan kezde tóraǵalyq etýshiniń daýsy sheshýshi bolyp tabylady.
5. Qaýipsizdik Keńesiniń sheshimderi Qaýipsizdik Keńesiniń Tóraǵasy bekitkennen keıin kúshine enedi, qajet bolǵan kezde olar Qazaqstan Respýblıkasy Prezıdentiniń aktilerimen iske asyrylady.
6. Qaýipsizdik Keńesiniń jáne Qaýipsizdik Keńesi Tóraǵasynyń sheshimderi mindetti bolyp tabylady jáne Qazaqstan Respýblıkasy memlekettik organdarynyń, uıymdary men laýazymdy adamdarynyń múltiksiz oryndaýyna jatady.
7. Qaýipsizdik Keńesiniń otyrystary men jedel keńesterin, Qaýipsizdik Keńesi jumysynyń ózge de nysandaryn uıymdastyrý men ótkizý, Qaýipsizdik Keńesi sheshimderiniń oryndalýyn baqylaý tártibi Qaýipsizdik Keńesi týraly erejede aıqyndalady.

7-bap. Qaýipsizdik Keńesiniń Apparaty

1.Qaýipsizdik Keńesiniń qyzmetin aqparattyqtaldamalyq jáne uıymdastyrýshylyq qamtamasyz etýdi Qaýipsizdik Keńesiniń Apparaty júzege asyrady, ol Qaýipsizdik Keńesiniń Tóraǵasyna baǵy natyn jáne esep beretin memlekettik organ bolyp tabylady. Qaýipsizdik Keńesiniń, Qaýipsizdik Keńesi Apparatynyń qyzmetin materıaldyq-tehnıkalyq qamtamasyz etý Qazaqstan Respýblıkasynyń zańnamasyna sáıkes júzege asyrylady.

2. Qaýipsizdik Keńesiniń Apparatyn Qazaqstan Respýblıkasynyń Prezıdenti Qaýipsizdik Keńesiniń Tóraǵasymen kelise otyryp laýazymǵa taǵaıyndaıtyn jáne laýazymynan bosatatyn, laýazymdy adam bolyp tabylatyn Qaýipsizdik Keńesiniń Hatshysy basqarady, ol Tóraǵaǵa tikeleı baǵynady jáne esep beredi.
3. Qaýipsizdik Keńesi Tóraǵasynyń, Qaýipsizdik Keńesiniń qyzmetin, olardyń sheshimderin sózsiz jáne túpkilikti oryndaýdy, sondaı-aq olardyń oryndalýyn baqylaýdy qamtamasyz etý maqsatynda Qaýipsizdik Keńesiniń Apparaty memlekettik organdar men uıymdarǵa oryndalýy mindetti tapsyrmalar berýge quqyly.
4. Qaýipsizdik Keńesi Apparatynyń qyzmetkerleri memlekettik qyzmetshiler bolyp tabylady jáne Qazaqstan Respýblıkasynyń memlekettik qyzmet týraly zańnamasyna sáıkes laýazymdarǵa ta ǵaıyndalady jáne laýazymdarynan bosatylady.

3-taraý. QORYTYNDY EREJELER

8-bap. Qaýipsizdik Keńesiniń jáne Qaýipsizdik Keńesi Apparatynyń qyzmetin qarjylandyrý Qaýipsizdik Keńesin jáne Qaýipsizdik Keńesiniń Appa ratyn ustaýǵa arnalǵan shyǵystar Qazaqstan Respýblıkasynyń zańnamasynda belgi lengen tártippen respýblıkalyq búdjetten qarjylandyrylady.

9-bap. Osy Zańdy qoldanysqa engizý tártibi

Osy Zań alǵashqy resmı jarıalanǵan kúninen bastap qoldanysqa engiziledi.

Qazaqstan Respýblıkasynyń Prezıdenti

N.NAZARBAEV

Astana, Aqorda, 2018 jylǵy 5 shilde

№ 178-VI QRZ