Halyqaralyq quqyq negizge alynyp, Saıragúl Saýytbaı bostandyqqa shyqty

/uploads/thumbnail/20180801163821935_small.jpg

«Shekaradan zańsyz ótti» dep aıyptalǵan etnıkalyq qazaq Saıragúl Saýytbaıdyń isine qatysty sot úkim shyǵardy, dep habarlaıdy Qamshy.kz aqparat agenttigi. Sot Saıragúl Saýytbaıdy QR QK 392 babynyń 1 bóligi boıynsha kináli dep taýyp, 6 aı bas bostandyǵynan aıyryp, 63 babynyń negizinde ony bas bostandyǵyn shekteýge aýystyryp, sot zalynan bosatý týraly úkim shyǵardy. 

Qamshy.kz aqparat agenttigi etnıkalyq qazaq Saıragúl Saýytbaıdy Qytaıǵa qaıtarý týraly isti jiti baqylap, eń birinshi  bolyp aqparat jarıalaǵan bolatyn. 

Saıragúl otbasymen

Aıta keteıik, búgin Saıragúl Saýytbaıdy Qytaıǵa qaıtarý máselesi Almaty oblysynyń Panfılov aýdandyq sotynda qaralyp, jaryssóz ótken.

Prokýror sottan QR Qylmystyq kodeksiniń 392 baby, 1 bóligi boıynsha 6 aı bas bostandyǵynan aıyrýdy, jazasyn óteý merzimin tutqyndalǵanynan beri qaraıǵy 23 mamyrdan bastap eseptep,  turǵylyqty mekenjaıy boıynsha probasıalyq baqylaýǵa alýdy jáne sot zalynan qamaýdan bosatýdy surady.

Sóz alǵan aıyptalýshy «Qytaıdan qatty qyspaq kórip, adam nanǵysyz bastan keshirdim. Tarıhı otanymyzda ómir súrý úshin 2016 jyly elge kelmek boldyq, meniń tólqujatymdy tartyp almaǵan bolsa zańdy túrde otbasymmen birge kelgen bolar edim. Oǵan Qytaı jaq kináli dep esepteımin», - dep óziniń elden jyraqtap qalýy men shekaradan zańsyz ótýi týraly túsindirdi. «Osy qaıǵynyń ózi de maǵan jetkilikti, eki balam úshin janymdy berýge barmyn» dep ashyna jaýap berdi.

Al, qorǵaýshy, advokat Abzal Quspan Aıyptaýshynyń suraǵan jazasymen kelisetinin aıtty. Kez kelgen qylmystyń jasalý sebebin anyqtamaıynsha saldarymen kúresýdi máni joq ekenin aıtty. «Ne sebepti osyndaı qylmys jasaldy?» degen suraý tastaı otyryp, Qazaqstan ratıfıkasıalaǵan halyqaralyq zańdarǵa nazar aýdardy. Balalary Úkiliaı men Ulaǵattan bólinip qalýy — ana bala quqyǵyn qorǵaıtyn halyqaralyq sharttardyń Qytaı tarapynan buzylǵany dep túsindirdi. Advokat sheteldik quqyq qorǵaý uıymdarynyń, HRW-dyń, Germanıanyń adam quqyqtaryn qorǵaý uıymdarynyń Qazaqstan prezıdentine hat jazǵanyn, New York Times, Washington Post sıaqty halyqaralyq basylymdarda 200-den astam maqala jazylǵanyn da aıta ketti. Qorǵaýshy «Pana izdeýshi tulǵa» kýáligi tabys etilgen Saıragúl Saýytbaıǵa BUU janyndaǵy bosqyndar isi jónindegi joǵary komısarıat ókilderiniń alańdaýly ekenine de nazar aýdardy. Bul jerde bir ǵana adamnyń taǵdyry emes taǵdyr tarazysynda Qytaıda qyspaq kórip jatqan myńdaǵan qandastyń ómiri turǵanyna nazar aýdardy. 

Aıta keter bolsaq, Saıragúl Saýytbaıǵa Qazaqstan Qylmystyq kodeksiniń 392 - baby shekarany zańsyz buzyp ótý boıynsha aıyp taǵylǵan. Sotqa halyqaralyq basylymdardan da jýrnalıser qatysqan.   

Qatysty Maqalalar