Bıyl oqýlyqtardyń sapasy joǵary bolady dep senemiz. Bul týraly Ortalyq komýnıkasıalar qyzmetinde QR Bilim jáne ǵylym mınıstri Erlan Saǵadıev málim etti, dep habarlaıdy Qamshy.kz aqparat agenttigi QazAqparat-qa silteme jasaı otyryp.

«Orta bilimge ótken jyly eń kóp kóńil bólindi. Bul deńgeıde kestege sáıkes jańartylǵan mazmunǵa kóshý jumystary jalǵasýda. Jańa oqý jylynan bastap 3, 6, 8-shi synyptar mazmuny jańartylǵan baǵdarlamamen oqı bastaıdy. 4, 9, 10-shy synyptarda aprobasıa bastalady. Kezeń-kezeńimen kóship otyrmyz. Muǵalimder men oqýlyqtar daıyn. Qazirgi kúni Respýblıka boıynsha oqýlyqtardy mektepterge jetkizý 99,5 paıyzdy qurady. Osy baǵyttaǵy jumystardy kún saıyn baqylap otyrmyz. Aldaǵy eki kúnde barlyq oqýlyqtar jetkiziletin bolady», - dedi mınıstr. Onyń sózine qaraǵanda, oqýlyqtardyń sapasyn jaqsartý úshin kóp jumys jasaldy. «Bıyl oqýlyqtardyń sapasy joǵary bolady dep senemiz. Oqýlyqtardyń elektrondyq nusqalary engizildi», - dep túıdi E. Saǵadıev.