Qazaqstan Prezıdenti Nursultan Nazarbaev Astanada QR Kásipodaqtar federasıasynyń kezekten tys XXV seziniń qatysýshylaryna quttyqtaý lebizin joldady, dep habarlaıdy Qamshy.kz aqparat agenttigi QazAqparatqa silteme jasaı otyryp.
QR Memlekettik hatshysy Gúlshara Ábdiqalyqova Qazaqstan Prezıdenti Nursultan Nazarbaevtyń quttyqtaý hatyn oqyp berdi. Óz sózinde Memleket basshysy Qazaqstan qoǵamyndaǵy kásipodaq qozǵalysynyń úlken bedelin atap ótti. Onyń aıtýynsha, búginde qazaqstandyq kásipodaq uıymdary eńbekkerler quqyqtaryn tabysty qorǵap, eńbek jaǵdaıy men qaýipsizdikti jaqsartyp keledi. Kásipodaqtar 2,8 mln qazaqstandyqtyń jumys ornyn saqtap qalýǵa yqpal etken. Sonymen birge, sezge qatysýshylary aldynda QR Eńbek jáne halyqty áleýmettik qorǵaý mınıstri Mádına Ábilqasymova men Halyqaralyq eńbek uıymynyń Qazaqstandaǵy ulttyq úılestirýshisi Talǵat Ómirjanov sóz sóıledi. Jalpy QR Kásipodaqtar federasıasy seziniń jumysyna Qazaqstannyń barlyq óńirlerindegi salalyq kásipodaq uıymdary atynan 200-den astam delegat qatysýda.
