Keshe keshkisin saǵat 21:00 shamasynda Ulttyq ulanǵa qarasty 5573 áskerı bóliminiń áskerı jasaǵy sarbazdy pyshaqpen jaraqattamaq bolǵan er adamdy quryqtady dep habarlaıdy Qamshy.kz aqparat agenttigi Ulttyq ulannyń baspasóz qyzmetine silteme jasaı otyryp.

Astana qalasynyń kóshelerinde qoǵamdyq tártipti qadaǵalap júrgen áskerı jasaq jaýyngerleri efreıtor Jasulan Qydyrbaev, qatardaǵy jaýyngerler Qazybek Úısembaev pen Erbol Bekbaev Abaı dańǵylynyń boıynda reńi susty, ózin bir túrli ustaǵan er adamdy baıqaıdy.

Áskerı jasaq músheleri álgi kisini toqtatyp, syrttaı tekserý júrgizý barysynda belgisiz azamat kenetten kúrteshesiniń sol jaq qaltasynan pyshaq shyǵaryp, qatardaǵy jaýynger Úısembaevqa soqqy jasaýǵa árekettenedi. Shalt qımyldyń aldyn alǵan jaýynger qaskúnemniń qolyn der kezinde qaǵyp túsip qaıyryp, kisen salady.

Sóıtip, kúdiktige qatysty tolyq derekterdi anyqtaý úshin ol Saryarqa aýdandyq İİB bólimshesine jetkizilip, quqyq qorǵaý organdarynyń qyzmetkerlerine tapsyryldy.