Aǵymdaǵy jyldyń 26 qazanynda Aqordada QR Prezıdenti Ákimshiliginiń Basshysy Á.Isekeshevtiń tóraǵalyǵymen Qazaqstan Respýblıkasy Prezıdentiniń janyndaǵy Qoǵamdyq sanany jańǵyrtý baǵdarlamasyn iske asyrý jónindegi ulttyq komısıanyń kezekti otyrysy bolyp ótti.

Keńestiń jumys kún tártibi «Rýhanı jańǵyrý» baǵdarlamasyn iske asyrýdyń jáne Baǵdarlamany basqarý ofısiniń qyzmetin uıymdastyrýdyń nátıjelerin talqylaýǵa arnaldy. Ulttyq komısıanyń tóraǵasy otyrysty asha otyryp, «Rýhanı jańǵyrý» baǵdarlamasynyń Memleket basshysynyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýynyń negizgi baǵyttaryn iske asyrý aıasyndaǵy erekshe mańyzyn atap ótti.

QR Prezıdenti Ákimshiliginiń Basshysy «Rýhanı jańǵyrý» baǵdarlamasynyń oryndalýyn jańa mazmunmen jáne baǵyttarmen toltyrýdyń mańyzdylyǵyn atap ótti.

Memleket basshysynyń tapsyrmasyna sáıkes, taıaý ýaqytta jańa «Aýyl – el besigi» jáne «Óz jerińdi tanyp bil» jobalary iske qosylatyn bolady, olar aýyldyq aýmaqtardyń damýyna qosymsha serpin bermek, - dep atap ótti Á.Isekeshev.

Komısıa otyrysynda sondaı-aq O.Orazalın, A.Balaeva, D.Abaev, A.Evnıev, D.Kaletaev, A.Muhamedıuly jáne R.Kenjehanuly sóz sóıledi.

Beınebaılanys rejıminde Jambyl jáne Batys Qazaqstan oblystarynyń ákimderi tyńdaldy. Talqylaýlar qorytyndysy boıynsha Ulttyq komısıanyń tóraǵasy Úkimetke 2018-2019 jyldarǵa arnalǵan «Rýhanı jańǵyrý» baǵdarlamasyn iske asyrý jónindegi biryńǵaı jospar ázirleýdi, Aýyl sharýashylyǵy mınıstrligine jańa «Aýyl – el besigi» áleýmettik jobasyn iske qosýdy tapsyrdy.

Óńirler basshylaryna jergilikti jerlerde Baǵdarlamanyń tapsyrmalaryn barlyq basymdyq baǵyttary boıynsha naqty maqsattar men nátıjelerge qol jetkizýge kóńil bóle otyryp, iske asyrý jóninde tapsyrmalar berildi.