Forbes Qazaqstandaǵy demografıalyq ahýaldy bilý maqsatynda ǵalym, demogrof, S.Amanjolov atyndaǵy memlekettik ýnıversıtettiń profesory Aleksandr Alekseenkomen suhbattasty. Onyń yqshamdalǵan qazaq tilindegi nusqasyn nazarlaryńyzǵa usynamyz.

Aleksandr Alekseenkonyń aıtýynsha, 10 jyldan keıin Qazaqstanda turatyn halyqtyń 80% qazaqtar bolady. 15% - orystar, qalǵan 5% - basqa ulttar. Bul 5% -tiń basym kópshiligi ózbekter bolady.

Statısıka komıtetiniń málimetine sáıkes, 2017 jylmen salystyrǵanda bıyl Qazaqstannan ketip jatqandar 14% artqan. Iaǵnı, 2017 jyldyń birinshi toqsanynda Qazaqstannan 15 myń adam ketse, bıyl - 17 myń adam. Olardyń  90% TMD elderine kóshýde.

«10 jyldaǵy ahýaldy naqtylap aldyq. Odan keıin bul proses jyldam júre bastaıdy. Nelikten? Sebebi, Qazaqstanda turyp jatqan orys ultynyń kóbi qyryqtan asqandar. Olar birte-birte qartaıyp, o dúnıelik bolady. Týý kórsetkishi boıynsha da qazaqtar basyp ozady, al orys ultynda  ólim -jitim kórsetkishi artady. Osy úrdis saqtalatyn bolsa, syrtqy faktorlardyń áseri bolmasa, 20 jyldan keıin Qazaqstanda 90% qazaqtar turady. Orystar – 5-7% deńgeıinde qalady. Bul – qazaqtar úshin demografıalyq dúmpý bolsa, orystar úshin qartaıý», - deıdi demograf.

Derekke júginer bolsaq, Qazaqstannyń monoulttty memleketke aınalý prosesi osydan 50 jyl buryn bastalǵan.  

Aıta keteıik, 2018 jyldyń 1 qyrkúıeginde Qazaqstan halqynyń sany 18,3 mıllıon adamǵa jetti . Al táýelsizdik alǵan jyly Qazaqstan halqy 16,7 mıllıon bolǵan.