Osy ýaqytqa deıin álemde uzaq ómir súretinder japondyqtar bolyp keldi. Aldaǵy ýaqytta bul kórsetkishtiń ózgerýi múmkin be? Ábden múmkin.

Aǵylshynnyń The Sun basylymynyń zertteýine nazar aýdarsaq,  22 jyldan keıin bul nátıje ózgerýi yqtımal. Basylymnyń jazýyna qaraǵanda, 2040 jyly álemdegi eń uzaq jasaıtyn halyq ıspandyqtar bolyp eseptelinedi. Densaýlyq jaǵdaıyn baǵalaý ınstıtýtynyń zertteýine sensek, ıspandyqtardyń ortasha ómir súrý uzaqtyǵy shamamen alǵanda, sol kezde 85,8 jasty quraıtyn bolady. Qazir birinshi orynda kele jatqan japondar 85, 7 kórsetkishpen ekinshi orynǵa syrǵıdy. Al ıspandyqtardyń uzaq jasaýynyń syry nede?  Mamandardyń dáleline sensek, olar et pen jumyrtqany az jep, bolashaqta balyq, jemister men kókónisterdi kóp tutynatyn bolady.

Álemde uzaq jasaý jóninen úshinshi orynǵa sıngapýrlyqtar shyǵyp, tórtinshi oryn Shveısarıada turatyn ulttardyń enshisine tıedi. Onan keıingi oryndardy Italıa, Izraıl, Fransıa, Lúksembýrg pen Avstralıa turǵyndary alady.

Al qazaqstandyqtardyń kórsetkishi qandaı? Bizdiń elde qazirgi kezde ómir súrý uzaqtyǵy ortasha eseppen alǵanda, 72, 4 jasty qurap otyr.