Dzúdoıst qyzdardyń sany da ósip keledi, dep jazady Qamshy.kz aqparat agenttigi.

Astanada 13-16 qarasha aralyǵynda dzúdodan Qazaqstan chempıonaty ótedi.  2019 jylǵy ulttyq áıelder komandasyndaǵy orynǵa 152 boıjetken talasatyn bolady.    

«Buryn biz quramaǵa 15 pen 20-ǵa jýyq qyzdy jınaıtynbyz. Jyl saıyn qyzdardyń sany ósip, qazir quramaǵa 35-40 sportshy qatysady», - dedi QR USK áıelder jattyqtyrýshysy Marat Danaıbaev.

Onyń sózin Qazaqstan Respýblıkasy dzúdo federasıasynyń bas hatshysy Asqat Jıtkeev te rastady.

«Áıelder dzúdosy damýda. Buǵan deıin Azıa chempıony bolmaǵan. Qazir bizde Gúljan Isanova, Galbadrah Otgonseseg bar. Sporttyń osy túrine qyzdardyń kóbisi qyzyǵýshylyq tanytyp otyr. Olar dál osy baǵytta álem chempıonattarynda, olımpıadalarda jeńiske jete alatyndaryna senimdi. Qyzdardy túrli jarystarǵa úzdiksiz daıyndaıtyn jattyqtyrýshylar da bar», - dedi ol.