Memleket basshysynyń «Uly dalanyń jeti qyry» atty maqalasy onyń qoǵamdyq sanany jańǵyrtýǵa qatysty shyqqan maqalasynyń logıkalyq jalǵasy bolyp tabylady. Maqala «Ult tarıhyndaǵy keńistik pen ýaqyt», «Tarıhı sanany jańǵyrtý» atty bólimderden turady. Prezıdent atalmysh maqalasynda ulttyq bolmysymyzdy saqtap, tarıhymyzdy jańǵyrtý máselesine keńinen toqtalǵan. Jappaı jahandaný júrip jatqan qazirgi ýaqytta jer betindegi halyqtardyń kóbi ózindik tóltýma ulttyq, kórkem erekshelikterinen aıyrylýda. Osy tusta, qazaq etnosynyń tili men dili, psıhologıasy men dúnıetanymy, mádenı qazynasy, urpaqtar qadirleıtin murasy bolyp damýy qazirgi kezeńniń basty máselesi bolyp otyr.

Jahandyq suhbatta elimizdiń beınesin tanytatyn ulttyq dilimiz, ulttyq bolmys pen dúnıeni taný erekshelikteri, salt-sanasy men abyroıly dástúri, ulttyq tili men dinı saýaty, ata tarıhy, jer qoınaýyndaǵy baılyqtary bolmaq. Eń negizgisi, álemdik san salaly tartysta táýelsiz eldiń qadiri onyń tarıhy, tili, kóne ata-baba dástúriniń qoldaný aıasy jáne mańyzdylyǵymen ólshenedi. Toleranttylyq, ashyqtyq, dástúrge degen qurmet, jańashyldyqty qabyldaı alý, tabıǵatqa jaqyndyq sıaqty túrki mádenıetiniń dástúrli qundylyqtary zamanaýı álemdik órkenıetke aýadaı qajet. Mine, Elbasynyń patrıotızm men týǵan elge degen súıispenshilikti, ultaralyq qatynasty nyǵaıtý, óz mádenıetimiz, dástúrimiz ben tilimizdi saqtap qalý, áleýmettik jáne saıası turaqtylyqty ornatý, onyń tarıhyn zertteý men nasıhattaýǵa baǵyttalǵan atalmysh maqalasy osy turǵydaǵy alǵa qoıylǵan biraz mindetterdi múdirmeı oryndap, memlekettiń halyqaralyq arenadaǵy bedelin arttyrýǵa óz úlesin qosady.

Dınara JAŃABAEVA