19-23 jeltoqsanda Dohada (Katar) aýyr atletıkadan halyqaralyq Qatar Cup jarysy ótedi. Bul týrnırde 2020 jyly Tokıoda ótetin olımpıadaǵa lısenzıa alý úshin upaı beriledi dep jazady Qamshy.kz aqparat agenttigi Azattyqtyń deregine súıenip.
Katardaǵy jarysqa Qazaqstannan toǵyz sportshy qatysady. Bul týraly Qazaqstan aýyr atletıka federasıasy habarlady.
Dohaǵa bıylǵy álem chempıonatynyń kúmis júldegeri Arlı Chonteı (61 kg), Igor Son (61 kg), Rıo olımpıadasynyń qola júldegeri Farhad Harkı (67 kg), Rıo olımpıadasynyń chempıony Nıjat Rahımov (73 kg), Aıdar Kazov ( 81 kg), Rústem Sybaı (96 kg), dopıng daýynan keıin sportqa qaıta oralǵan Ilá Ilın (109 kg), Karına Gorıcheva (64 kg) jáne Raýshan Meshithanova (87 kg) attanǵan.
Ilá Ilın Pekın jáne London olımpıadalarynda dopıng qoldandy dep aıyptalyp, eki jylǵa sporttan shettetilgen. Sportshynyń jaza ýaqyty jazda aıaqtalǵan. Ilın qarashada Ashǵabatta ótken álem chempıonatyna qatysýy tıis bolǵan. Biraq sportshy jaraqatyna baılanysty jarysqa shyqpaǵan. Dopıng jazasynan keıin sportqa qaıta oralǵan Ilın Tokıo olımpıadasyna qatysýdy josparlaıdy. «Dopıng daýyna» kóp ilingen Qazaqstan 2020 jyly ótetin olımpıada bir er, bir áıel aýyr atlet qana apara alady.
