Aýyr atletıkadan tórt dúrkin álem chempıony Ilá Ilın qazaqstandyqtarǵa úndeý jasady dep jazady Qamshy.kz aqparat agenttigi Sputniknews.kz saıtynyń deregin negizge alyp.
Sportshy otandastarynan aýyr dertke shaldyqqan sport tilshisi Galına Polevaıaǵa kómektesýdi suraıdy.
«Tamasha bir janǵa kómektesýdi suraǵym keledi. Almatyda 22 jeltoqsanda tańǵy saǵat 10:00-nan keshki 22:00-ǵa deıin MAXIMA saýda ortalyǵynda qaıyrymdylyq jármeńkesi bolady. Túsken qarajatty túgel Galınanyń emine beremiz. Biz búkil sport álemi bolyp, Qazaqstan bolyp oǵan kómekteskimiz keledi», — dedi qazir halyqaralyq Katar Kýbogyna daıyndalyp jatqan Ilın.
20 jyl boıy «Habar» arnasynda sport komentatory bolyp qyzmet etken jýrnalıs Galına Polevaıa kemik maıyn almastyrýy tıis. Qazaqstanda mundaı otany 50 jasqa deıingi naýqastarǵa jasaıdy, Galınanyń jasy 60-ta. Emdi Ońtústik Koreıa dárigerleri júrgizbek, alaıda buǵan 286 myń 350 dollar qajet.
Sport tilshisine olımpıada júldegeri Iýlıa Galysheva, olımpıada chempıony Nıjat Rahımov, tórt dúrkin álem chempıony Ilá Ilın, úsh dúrkin Eýropa chempıony Elena Hrýstaleva jáne taǵy basqa sportshylar qol ushyn berip jatyr.
