Reseıde kishkentaı qyz prezıdentpen sýretke túse almaǵany úshin jylap jiberdi, dep jazady Qamshy.kz aqparat agenttigi 5-tv.ru saıtynyń deregine súıenip. 

Reseı prezıdenti Vladımır Pýtın Sankt-Peterbordaǵy sapary barysynda jylaǵan qyzdy ózi baryp jubatty. Kóptiń júregin eljiretken oqıǵa 7 qańtarda bolǵan.

Bul kúni prezıdent Petropavl bekinisine bardy. Sapar boıy basshyny peterborlyqtar men qala qonaqtary "prezıdentpen sýretke bir tússek" degen nıetpen Pýtındi qorshap júrdi. Pýtınmen kezdesýge barǵandardyń qatarynda turymtaıdaı qyz da bar. Ol da prezıdentpen sýretke túskisi kelgen edi. Alaıda Pýtınniń kólikke otyryp jatqanyn kórgen búldirshin jylap jiberdi. Sebebi memleket basshysymen sýretke túskisi keldi.

Muny baıqap qalǵan prezıdent kóliginen qaıta túsip, qyzdyń janyna keldi.

«Jylama, nege jyladyń?», - dep surady prezıdent qyzdan.

Qyz tilegin aıtqan soń prezıdent onymen sýretke túsip, jónine kete bardy.