QR Aqparat jáne komýnıkasıa mınıstri Dáýren Abaev «Habar» telearnasyndaǵy «Ashyq suhbat» baǵdarlamasyna bergen suhbatynda Qaraǵandydaǵy oqıǵaǵa baılanysty pikir bildirdi, dep jazady Qamshy.kz aqparat agenttigi.

«Jýyrda májilismen Nurtaı Sabılánov qylmystyq iske qatysy bar adamdar ádiletti jolmen jazalanatynyn aıtty. «Zań aldynda bári birdeı. Alaıda bul iske qatysty BAQ betterinde túrli sóz tarady. Bizdiń maqsat – saıası turaqtylyqty saqtaý jáne qoǵamdyq kelisim, ekonomıkany damytýdy jalǵastyrý, egemendikti berik qalpynda saqtaý. BAQ-ta jarıalanyp júrgen aqparattardy jiti qadaǵalaý jáne baqylaýdy qolyńyzǵa alǵan jón», - dedi depýtat Abaevtyń nazaryna.

Jappaı aqparattyq júıelerdiń jaýapkershiligi jóninde depýtat Narıne Mıkaelán da aıtty. «Bul jaǵdaıda BAQ-tyń róli mańyzdy ekeni sózsiz. Sol sebepti Aqparat jáne komýnıkasıa mınıstrliginen osy máseleni qadaǵalaýyn suraımyz», - dedi Narıne depýtattyq saýal joldaý barysynda.

Saýaldarǵa jaýap bergen mınıstr depýtattardyń sózin qostady. «Rasynda, elimizde birlik pen kelisimdi saqtaýymyz kerek. Ultaralyq kelisim – memleketimiz úshin asa mańyzdy. Eger oqıǵaǵa analız jasap kórer bolsaq, kerisinshe BAQ ókilderi bul iske asa jaýapkershilikpen qarap otyr.

Bizdiń monıtorıń eshqandaı zań buzýshylyqty baıqaǵan joq. Iá, áleýmettik jelide túrli jaǵymsyz pikirlerdiń tarap jatqany ras, Degenmen quqyq qorǵaý organdary olardy qadaǵalap otyr. Baqylaýǵa keler bolsaq, búgingi kúni bári derliń zań boıynsha júzege asyp otyr. Jalǵan aqparattarǵa qatysty baqylaý kúsheıtilgen, olardy taratqandar jaýapkershilikke mindetti túrde tartylady», - dedi Abaev.

Sonymen qosa mınıstr «is nege nasyrǵa shaýyp ketti?» degen suraqqa da jaýap berdi.

«Muny ultaralyq janjal dep ataýǵa bolmaıdy. Bul birneshe adam qatysqan kúndelikti janjal. Eskerte keterlik bir jaıt, jeltoqsannyń sońǵy jeti kúninde Qazaqstanda 39 ólim men 46 zardap shegý áreketteri baıqaldy. Shyn mánisinde bul qylmys alkogóldik ishimdikterdiń ishilýi negizinde bolǵany aqıqat qoı. Qaraǵandyǵa baılanysty oǵan qatysqandar túsinikteme berdi. Janjal meıramhana ákimshiligi men demalýǵa barǵandar arasynda oryn alǵan. Eki jaqta da túrli ulttyń adamdary bolǵan. Ultqa nemese dinge jaba salý – istiń mán-jaıyn zerttegisi kelmeıtinder úshin ońaı jol», - dep túsindirdi Dáýren Abaev.

Sonymen qatar, mınıstrge bıliktiń máselege qatysty únsizdigi jaıynda da suraq qoıyldy.

«Bul qaıǵyly jaǵdaı bárimiz úshin úlken sabaq boldy. Halyqtyń aqparattanýǵa quqyǵy bar, muny jaqsy túsinemiz.

Alaıda istiń naqty sebepterin zerttep, naqty tulǵalardy anyqtaýdyń ózi birtalaı ýaqytty alady. Qazirgi jaǵdaıda janjalǵa qatysqandardyń sany onnan asty, árqaısysy ár túrli qalada jasyrynyp otyr. Kúdiktilerdiń keıbiri tipti shetelge shyǵyp ketken. Polısıa jan-jaqsy izdeý sharalaryn jasady, tipti Reseıdegi áriptesterimen baılanys ornatty.

Ózderińizge belgili bolǵandaı, qashqyn ustaldy. Polısıa jedel qımyldady. Ras, aqparat kesh taraldy. Keıbir faktilerdi tergeý múddesine saı jarıalamadyq, eń bastysy, eshkim zardap shekken joq», - dep jaýap berdi suraqqa mınıstr.

Eske sala keteıik, 1 qańtarda Qaraǵandydaǵy «Drevnıı Rım» meıramhanasy aldynda jappaı tóbeles oryn alǵany belgili. Sonyń saldarynan 23 jastaǵy jigit qaıtys boldy. Taǵy úsh jigit pyshaq jaraqatymen aýrýhanaǵa jetkizildi.

9 qańtar sársenbide adam ólimine kúdikti Armenıa azamaty Narek Gýrýrán Ombyda ustaldy. Qazirgi ýaqytta ony Qazaqstanǵa ákelý máselesi qarastyrylyp jatyr.

Budan buryn jigit tóbeleske qatysqanymen, adam óltirýge qatysy joq ekenin aıtyp, vıdeo túsirgen edi.