Tatarstannyń vıse-premeri Vasıl Shaıhrazıev halyqpen kezdesýde elde turatyn halyqtyń barlyǵyn da «tatarlar» dep atady.

2014 jyldyń 1 qazanynan beri Tatarstanda premer-mınıstrdiń orynbasary laýazymynda kele jatqan ol osy aptanyń basynda batyl málimdeme jasady. Árıne, Reseıdiń quramynda turyp osylaı deý júregi myqty ultjandy azamattyń ǵana qolynan keledi.

–Biz jaryq lúnıege kelgen soń, túbinde ómirden ketetinimiz de aqıqat. Al jer men el keler urpaqqa mura bolyp qalady. Til de solaı. Sondyqtan da eń aldymen  tatardyń jas urpaǵyn durys tárbıeleýimiz kerek. Tatarstanda  qazirgi ýaqytta 173 ult  turady.  Naqty aıtqanda, respýblıkada 4 mıllıon adamdaı meken etedi. Eger  basqa memleketke barsaq, bizdi chývash, orys nemese mordva dep aıtpaıdy. Olardyń barlyǵy – tatarlar bolyp esepteledi.  Biz úshin de solaı. Tatarstanda turdyń ba, onda sen tatarsyń! –dedi  vıse-premer Vasıl Shaıhrazıev.

Eskerte keteıik, qazirgi ýaqytta Tatarstannyń terıtorıasynda 4 mıllıondaı adam turady. Onyń ishinde 53 paıyzy – tatarlar, 39 paıyzy–orystar, 3 paıyzdan astamy chývashtar jáne basqa dıaspora ókilderi.

Bizdi tańqaldyrǵan bir jaıt, Reseıdiń  quramynda, qalyń orman orystyń ortasynda bola turyp, tatardyń bolashaǵy úshin osylaı batyl sóıleý ekiniń biriniń qolynan kele bermeıdi. 173 ult turatyn respýblıkada qatary az bolsa da, tataryń myqty bolyp tur ǵoı.

...Al bizdiń joǵary bılik qazaqtyń sany elde 70  paıyzdan assa da, áli «qazaqstandyqtar» dep sóıleıdi.