Rasynda da solaı shyǵar. Mysaly, qazaqtyń eti, ózbektiń palaýy týraly sóz etkende, eń aldymen jurtshylyqtyń  kóz aldyna sol eldiń ulttyq taǵamy keletini sózsiz.

Jaqynda Álemniń mádenı –gastronomıalyq halyqaralyq qaýymdastyǵy 33 eldiń týrıserinen suraý salyp, «ár ulttyń negizgi taǵamy ne?» degen saýalǵa jaýap berýin ótingen. Saýalnama qorytyndysy qandaı deısiz ǵoı?

Zertteý qorytyndysy kórsetkendeı, saýalǵa jaýap bergenderdiń basym kópshiligi, ıaǵnı 90 paıyzǵa jýyǵy orystardyń negizgi ulttyq taǵamy araq, borsh jáne qara ýyldyryq dep atap kórsetken.

Buǵan namystanǵan orystyń birqatar uıymdary qazir osy zertteýge narazylyǵyn bildirýde. Olar «orys asqanasy óte baı, qý araqtyń bul jerge qatysy qansha? Týrıserdiń jaýaby burmalanyp kórsetilgen» dep renishin bildirip jatqanǵa uqsaıdy.  

Orystardyń bul qarsylyǵyna  Álemniń mádenı –gastronomıalyq halyqaralyq qaýymdastyǵynyń mamandary «aldaǵy ýaqytta orys asqanasy men ulttyq taǵamyna jáne  dastarhan mázirine qatysty keńirek saýalnama júrgizemiz» dep ýáde bergen kórinedi.