Leonıd Ilıch Brejnev – KOKP OK Birinshi hatshysy jáne SSRO Joǵarǵy Keńesi Prezıdıýmynyń tóraǵasy qyzmetin atqarǵan, tórt márte Keńes Odaǵynyń batyry ataǵyn alyp, Sosıalısik Eńbek eri bolǵan saıası qaıratker. Sondaı-aq, Brejnev birneshe kitap jazǵan («Kishi jer», «Jańǵyrý», «Tyń»). Alaıda óziniń kitabyn jazýǵa onyń múldem qatysy bolmaǵan. Shyǵarmalardyń resmı túrdegi avtory Brejnev delingenimen, kitap basqa adamnyń qalamynan týǵan. Qamshy.kz aqparat agenttigi Birinshi hatshyǵa kitap jazyp bergenderdiń kim ekendigi jaıly zertteýshiler keltirgen faktilerdi oqyrman nazaryna usynady.

Keıinirek bul kitaptar mıllıondaǵan danamen taralyp, qalamaqysy 180 myń somdy quraǵan. Bas hatshynyń kitaptary mektep jáne joǵary oqý oryndarynyń baǵdarlamasyna engizilip, “Brejnev oqýlary» atty baıqaý da ótken. Kitaptar  eńbek ujymdarynda da qyzý talqylanǵan. Brejnevtiń memýarlaryn halyq ártisi  Vácheslav Tıhonov radıodan turaqty túrde oqyǵanyn aǵa býyn áli umyta qoıǵan joq.  Al shyn máninde Bas hatshyǵa kitap jazyp bergen kim?

Olar - gazet jýrnalıseri

Leonıd Brejnevtiń el basqara júrip, kitap jazýǵa ýaqyty bolmaǵany túsinikti. Degenmen, onyń ataq-dańqty, ordender men qurmetti asa qatty jaqsy kóretinin kópshilik biledi. Ózine deıingi Lenın men Stalınniń ondaǵan tomdyq kitaptary bolǵanyn eskersek, qurmetke bólengendi jaqsy kóretin Brejnev  keńestik meıramdaǵy quttyqtaýǵa toly 4 tomdyqpen shektelip qalǵysy kelmegeni túsinikti. Demek Brejnevtiń týyndylaryn kim jazǵan? Onyń avtoryn anyqtaý úshin reseılik ǵalymdar kóp zertteý júrgizgen. Alaıda, negizgi avtory áli kúnge deıin anyqtalmaǵan. Zertteýshilerdiń boljamy boıynsha, kitapty jazýshylar emes, gazet jýrnalıseri jazǵan bolýy múmkin.  Sebebi, shyǵarma  tarıhı  sıpatta emes, Leonıd Brejnevtiń soǵystaǵy erligi týraly  bolǵan. Al avtorlarǵa tólengen  qalamaqy  qansha?  Ol - jaǵy áli qupıa.

Degenmen, derekter Leonıd Brejnevtiń áskerı erligin joqqa shyǵarmaıdy

Ol rasymen de soǵysqa qatysty, Ýkraınany azat etýdegi erligi úshin oǵan general sheni  berildi. Tipti snarád tastalǵan kezde keme bortynda bolǵan Brejnev aýyr jaralanǵan, bolashaq Birinshi hatshyny sarbazdary qutqaryp qalǵan. Keıin soǵysta erlik tanytqan ofıser Leonıd Máskeýdegi Jeńis saltanatyna da abyroımen qatysqan. Munyń barlyǵy tarıhı shyndyq. Aqıqaty, múmkin Birinshi hatshynyń ádebıetke ıkemi bolmaǵan shyǵar.  Negizi tanymal tulǵalardyń kitaptaryn basqa adamdar jazatyny ol jasyryn  nárse emes qoı...