Elbasymyz "qazaqtyń sanyn kóbeıteıik" dep joldaý barysynda, sondaı-aq minberlerde,  halyqpen kezdesýlerde de aıtqany belgili. Halyq demografıalyq ósimdi kóbeıtip,  bir otbasyda kemi 2-3, kóbi 7-8 balaǵa deıin dúnıege ákeldi. Al, memleket tarapynan soǵan jaǵdaı jasaldy ma? Tar qapasta, bir bólmede 5 balany qalaı baǵasyń? Qalaı tamaq taýyp beresiń? Qalaı nesıe almaısyń? Qalaı kúıeýi men áıeli balalaryn uıyqtatyp túnimen jumys jasamasyn? Qalaı?

Bir otbasynyń aılyq kórsetkishi 500 myń teńge dedi? Kim shyǵardy, bul statısıkany? Kim apardy ondaı aqparatty Elbasynyń aldyna? Erim deıtin el bolmasa, elim deıtin er qaıdan bolsyn, osydan keıin.

Eńbek jáne áleýmettik qorǵaý mınıstri, Madına Ábilqasymova "Men kópbalaly ana emespin, árıne. Biraq 16 000 myń teńge kóp balaly anaǵa óte kóp" dep saırady. Qudaı basyńa bala bersin, 1 emes, 10 bala bersin, sol 16 000 myń teńgemen ómir súrip kór, endeshe. Al onyń orynbasary: "Nege olar túnimen jumys jasaý kerek?" degen suraqqa, "Eto - ıh vybor!", dep qandy basqa shaptyrdy. Jetiskennen túnimen jumys jasap júr me?

Oılanyp otyryp mynaǵan toqtaldym. Qaraıǵan halyq dalada tentirep júrgende, elimizdi syrtqa ótirik jaqsy jaǵynan kórsetip ne kerek dep oıladym. EKSPO-ny ne úshin saldyq, qaraıǵan aqshaǵa? Qazir qańyrap bos tur. Astananyń 20 jyldyǵyna ár óńir mıllıardtap syılyqty ne úshin syılady? Qazir sonyń paıdasy tıip jatyr ma?

Qarańyz:

EKSPO-ny salǵan 565,1 mlrd teńgege Astanada (keshegi oqıǵa Astanada boldy) 2 bólmeli páter baǵasyn mınımým 19 mln teńge dep alsaq, 29 000 otbasyǵa páter alyp berýge bolady eken shamamen. Al, sol aqshaǵa baspana salsaq, shamamen 50 myń otbasyny baspanaly etýge bolady eken.

Endi, Astananyń 20 jyldyǵyna ár óńir syılaǵan syılyqqa ketken qarjy:
* BQO / 23 mlrd tg : 19 mln = 1200 otbasy.
* Aqtóbe oblysy / 1,8 mlrd tg : 19 mln = 94 otbasy.
* SHQO / 251 mln tg : 19 mln = 13 otbasy
* Pavlodar / 474 mln tg : 19 mln = 24 otbasy.
* Aqmola oblysy / 128,5 mln tg : 19 mln = 6 otbasy.
* Almaty oblysy / 1,084 mln tg : 19 mln = 57 otbasy.
* Qyzylorda oblysy / 1,5 mlrd tg : 19 mln = 78 otbasy.

Demek, qashan elim deıtin azamattar men azamatshalar bılik basyna kelmeıinshe bılikten qaıyr joq!
Musylmandardyń basshysy bolǵan ataqty halıfa Omar (r.a) kezinde mynandaı bir oqıǵa bolǵan. Bir qalanyń ákimin taǵaıyndamaq bolǵan kezde aldyna álgi ákim keledi. Sonda halıfanyń janynda oınap júrgen balasy júgirip keledi. Halıfa balasynyń basynan sıpap jaqsy kórse álgi ákim tańyrqap "siz de balańyzdy osylaı erkeletip jaqsy kóresiz be? Men múldem olaı jasaǵan emespin" dep tańyrqaıdy. Sondaǵy halıfa "óz balasyna meıirim kórsete almaǵan adam qalaısha halqyna meıirimdi bolsyn", dep álgi ákimdi ornynan alyp tastaǵan eken. Bul biz úshin úlken mysal. Keshegi Astanada bolǵan oqıǵaǵa baılanysty Ábilqasymovanyń orynbasarynyń jaýaby men óziniń 16 myń teńgeni kópsingeni ıman men adamgershiliktiń joqtyǵy, bıliktiń soıylyn soqqan týflı jalaǵyshtyǵy dep bilem. Iman men adamgershilik bir adamnyń boıynan tabylmasa, onyń alǵan bilimi eshqashan paıda bermeıdi.

Biz bılikten úmit kútip otyra bersek, dál keshegi jaǵdaı basqa da baýyrlarymyzdyń basynda bolmasyna kim kepil?! Óz ortamyzdan erikti qor quraıyq, jan -jaǵymyzdan bastap bir birimizge kómekteseıik, aǵaıyn!

Nurbolhan Sharapovtyń Instagram paraqshasynan alynǵan

Usynǵan: Ásel Bolatqyzy