QR Eńbek jáne áleýmetti qorǵaý mınıstrligi qarapaıym halyq úshin ne istedi? Búgingi kúni barsha qazaqstandyqty alańdatatyn suraq ta osy bolyp otyr. Mınıstr Madına Ábilqasymova hanymnyń byltyrǵy jylǵy halyq úshin istegenin Facebook qoldanýshysy Aleksandr Baranov jıyp kóripti. Jazbasy tómendegideı:

Birinshiden, 25 mıllıon teńge mınıstrlik basshylyǵyna arnalǵan 4 kólikti jaldaýǵa jumsaldy. Ári qaraı...

Qazaqstan Respýblıkasy zeınetaqy júıesin modernızasıalaý jumystary men áleýmettik kómektiń jańa formaty úshin 35 mıllıon teńge jumsaldy.

Taǵy 35 mıllıon teńge vıdeokonferensıalarǵa arnalǵan qurylǵylarǵa ketti;

«Jalpyǵa ortaq eńbek qoǵamy» respýblıkalyq forýmy men Eńbek kúnin toılaý úshin memleket 16 mıllıon teńgesin qıdy;

Ónimdi jumyspen qamtý jáne buqaralyq kásipkerlik baǵdarlamasyn naqtylaý úshin 47,9 mıllıon teńge jumsalypty;

30 mıllıon teńge áleýmettik kómek alýshylardy anyqtaý úshin qoldanylatyn maqsatty krıterıılerdi jetildirý boıynsha usynystar ázirleýge ketse, 6 mıllıon teńge Qazaqstandaǵy kópbalaly otbasylardyń ál-aýqatyn anyqtaý jumystaryna ketipti;

«Qazaqstanda eńbek resýrstaryn memlekettik retteýdi damytýdyń keleshegi» taqyrybyna arnalǵan analıtıkalyq zertteý úshin 18 mıllıon teńge jumsalǵan;

«Paryz» bıznestiń áleýmettik jaýapkershiligi baıqaýyn ótkizý úshin 34 mıllıon teńge bólingen;

11 mıllıon teńge «Áleýmettik saıasattyń demografıalyq ósý qarqynyna áseri» taqyrybyn zertteýge jumsalypty.

Budan ózge polıgrafıalyq ónim (3,2 mıllıon), esepteý tehnıkasyna qajetti materıaldarǵa (4,5 mln), tapsyrys hattar (700 myń), mınıstrlikke arnalǵan kartınalar (1,3 mln), perde (2,2 mln), keńse kreslolary (1,6 mln) syndy usaq-túıek zattar úshin de mıllıondaǵan aqsha bólingen. Jalpy mınıstrliktegi jumys qyzyp tur, memleketten bólingen qarjy tolyq ıgerildi. Taǵy qandaı min taǵasyz?

Aleksandr Baranovtyń Facebook-tegi paraqshasynan aýdaryldy

Aýdarǵan: Gúlim Jaqan