"Kitaphanasy joq úıden ne urlaýǵa bolady" degen bir ǵulamanyń jazǵany bar edi. Bala kezde áke-sheshemizdiń jınaǵan kitaptary qonaq bólmedegi servanttyń bir bóligin alyp, 6-7 sórede qaz-qatar tizilip turýshy edi. Áli de tur. Ol jerden mektepke endi barǵan baladan bastap, eńkeıgen qartqa deıin qyzyǵýshylyǵyn oıatatyn túrli taqyryptaǵy, túrli janrdaǵy kitaptardy tabasyń. "Baldyrǵan", "Ulan", "Egemen Qazaqstan", Jetisý" deısiń be... jylda jazylatyn ártúrli gazet-jýrnaldardyń túbin tesip, jipke baılap, túptep, bir sórege jınap qoıatyndary taǵy bar... Eh, sol ǵoı naǵyz qazyna, naǵyz baılyq qoı! Sol kisiler sol kitaptardy bir kúnde ala salǵan joq. Oqýshy kezden, stýdent kezden bastap jınaǵandary, syılyqqa alǵandary, satyp alǵandary...

Qazir she? Syılyqqa kitap berý - sırek qubylys. Kitap satyp alǵansha, telefonǵa qap, ne taǵy bir paıdasy az nárse alǵandy jón kóretinder de bar shyǵar. Degenmen, kitap jastap jatpasa da, aptasyna bir kitap bitirip nemese myna kitaptardy oqımyn dep josparlaıtyn jastar da barshylyq. «Bes saýsaq birdeı emes», árıne.

Ǵalymdardyń zertteýinshe, kompúterden, telefonnan qarap oqyǵan aqparattan góri, qolmen ustap otyryp oqyǵan, ıaǵnı kitap, qaǵaz betindegi tasqa basylǵan kórkem dúnıe adam jadynda uzaq saqtalady eken.

Endeshe, Almaty Ortalyqtandyrylǵan kitaphanalar júıesi usynǵan "Ár QAZAQ oqýy tıis 50 kitapty" Qamshy.kz  aqparat agenttigi nazarlaryńyzǵa usynady.

1. Muhtar Áýezov. «Abaı joly»
   2. Sábıt Muqanov. «Aqqan juldyz»
   3. Ábdijámil Nurpeısov. «Qan men ter»
   4. Sherhan Murtaza. «Qyzyl jebe»
   5. Muhtar Maǵaýın. «Aldaspan»
   6. İlıas Esenberlın. «Kóshpendiler»
   7. Áljapar Ábishev. «Naızaǵaı»
   8. Zeıin Shashkın. «Toqash Bokın»
   9. Ánýar Álimjanov. «Ustazdyń oralýy»
   10. Tahaýı Ahtanov. «Boran»
   11. Tólen Ábdikov. «Aqıqat»
   12. Dýlat Isabekov. «Qarǵyn»
   13. Oralhan Bókeev. «Qaıdasyń, qasqa qulynym?»
   14. Muhtar Maǵaýın. «Kók munar»
   15. Shoqan Álimbaev. «Danalyq sýbstansıasy»
   16. Marat Qabanbaev. «Qazaq qaıda barasyń?»
   17. Berdibek Soqpaqbaev. «Ólgender qaıtyp kelmeıdi»
   18. Baýyrjan Momyshuly. «Ushqan uıa»
   19. Ǵabıt Músirepov. «Ulpan»
   20. Júsipbek Aımaýtov. «Aqbilek»
   21. Smaǵul Elýbaev. «Aqboz úı»
   22. Qalıhan Ysqaqov. «Qara orman»
   23. Ramazan Toqtarov. «Baqyt»
   24. Dúkenbaı Dosjanov. «100 áńgime»
   25. Sherhan Murtaza. «Aı men Aısha»
   26. Sáken Júnisov. «Aqan seri»
   27. Aqan Nurmanov. «Qulannyń ajaly»
   28. Ǵabıt Músirepov. «Kezdespeı ketken bir beıne»
   29. Tutqabaı Imanbekov. «Qut aǵashynyń kóleńkesi»
   30. Tynymbaı Nurmaǵanbetov. «Qaýyn ıisi»
   31. Muhtar Áýezov. «Qarash-qarash»
   32. Ábish Kekilbaev. «Úrker»
   33. Ánýar Álimjanov. «Mahambettiń jebesi»
   34. Oljas Súleımenov. «Az ı Ia»
   35. Ázilhan Nurshaıyqov. «Aqıqat pen ańyz»
   36. Marat Qabanbaev. «Baqbaq basy tolǵan gúl»
   37. Ospanhan Áýbákirov. «Ymdy bilesiń be?»
   38. Ánýar Álimjanov. «Jaýshy»
   39. Baqqoja Muqaı. «Ómir zaıa»
   40. «Bes ǵasyr jyrlaıdy»
   41. Asqar Súleımenov. «Besin»
   42. İlıas Esenberlın. «Altyn orda»
   43. Sopy Smataev. «Elim-aı»
   44. Qabdesh Jumadilov. «Sońǵy kósh»
   45. Seıdahmet Berdiqulov. «Perdesiz kóńil»
   46. Shárbaný Qumarova. «Áıel baqyty»
   47. Marat Qabanbaev. «Sýret salǵym kelmeıdi»
   48. Ábdijámil Nurpeısov. «Sen»
   49. Zeıin Shashkın. «Senim»
   50. Berdibek Soqpaqbaev. «Balalyq shaqqa saıahat» 

Al Siz osy  atalǵan kitaptardyń nesheýin oqydyńyz?

"Ár QAZAQ oqýy tıis 50 kitap" tizimine Sizdiń oıyńyzsha, taǵy da qandaı kitap enýi tıis?

Usynǵan: Maqpal Sembaı