Aqtóbe qalalyq máslıhatynyń bir top depýtaty kópbalaly ana Gúlnazıra Smaǵulavanyń jaǵdaıymen tanysty. Alty balaly ana jataqhananyń tar bólmesinde turyp jatyr. Besiktegi balasyn úıinde qaldyryp, bazarda eden jýýshy bolyp jumys jasaıdy dep jazady Qamshy.kz aqparat agenttigi aktobenews.kz saıtynyń deregin negizge alyp. 

Kelinshek 47 myń teńge jalaqy men 10 myń teńge járdemaqy alady. Depýtattar kelinshektiń kishkentaı balalaryn balabaqshaǵa ornalastyrýǵa da kómektesken.

«Bir bólmeli páterde turyp jatqan kópbalaly ananyń úıine bardyq. Turmysqa qajetti tehnıka, kilem, azyq-túlik jetkizildi. Bólmeniń esigin ashqanda úıge qatty jel keledi eken. Besikte bir jasqa tolǵan bala jatyr. Sol sebepti kire berisine shaǵyn dáliz ornatý jumystary júrgizilip jatyr. Kópbalaly ananyń komýnaldyq qaryzdary da jınalyp qalǵan eken. Barlyq komýnaldyq qaryzdary tólendi. Otbasyna ári qaraı kómektesetin bolamyz»,- deıdi qalalyq máslıhatynyń baspasóz qyzmeti.

Usynǵan: Ásel Bolatqyzy