Aýyl sharýashylyǵy mınıstriniń burynǵy birinshi orynbasary Arman Evnıev memlekettik qyzmetten ketetin málimdedi dep jazady Qamshy.kz aqparat agenttigi. Bul týraly burynǵy ol óziniń feısbýk paraqshasyna jazdy. 

"Osyǵan deıingi oqıǵalar Úkimettiń otstavkaǵa ketýine ákelip soqqany belgili. Bolǵany bolyp, boıaýy sińdi. Biraq bul jaıt biraz máselerdi oılanyp, óz-ózime suraq qoıýǵa múmkindik berip otyr. Múmkin basqa adamdar da ózine "bul jaıt meniń ómirime qandaı ózgeris engizedi?", dep suraq qoıyp otyrǵan shyǵar.

Birinshiden, men Úkimet jumysynyń nátıjesine árbir memqyzmetker jaýapty dep esepteımin. Onyń qatarynda men de barmyn. Men bar kúshimdi salyp jumys istegen sekildimin. Tipti ózimniń múmkindikterimnen de artyq jumys istedim. Meniń ákem meni "kez-kelgen jumysyńnyń nátıjesimen maqtanatyndaı bol" dep úıretken. Al nátıjesi joq nemese nátıjesi adam uıaltatyndaı bolsa, jumysty jalǵastyrýdyń qandaı qajettiligi bar? Bul jumystyń qandaı mańyzdylyǵy bar?

Ekinshiden, men óz elimniń patrıoty retinde elimniń kórkeıip, damýyna úles qosqym keledi. Eń bolmaǵanda meniń 5 aılyq nemerem damyǵan ári tabysty elde ómir súrgenin qalaımyn. Endi men qazir osyndaı qarqynda, nátıjesiz jumys isteı alamyn ba? Nemese "barlyǵy maǵan baılanysty emes", deý aqtalýǵa sebep bola ala ma?

Úshinshiden, men osy sekildi suraqtardy ózime qoıǵannan soń memlekettik qyzmetten ketip qaldym. Alaıda bir jyldan soń qaıta oraldym, sebebi jobany basqarý jumys isteıdi jáne ony durys qoldana bilseń jaqsy nátıjege qol jetkizýge bolatynyn dáleldegim keldi. Sondaı-aq Úkimettiń jumysyna jobalyq tásildi engizý durys ári batyl sheshim boldy. Bir ókinishtisi bul tásil odan ári damı almady.

Al jobany durys basqarýdyń negizgi úsh qaǵıdasy bar: SMART-maqsattar, jaýapty tulǵany belgileý, SCRUM (kúndelikti jáne úzdiksiz) jáne seriktestik. Eger osy úsh qaǵıda oryndalatyn bolsa memleket basshysynyń tapsyrmasy múltiksiz oryndalatynyna senimdimin. Biz osy tásildi bizdiń bılikke endi ǵana engize bastaǵan kezde, basqa damyǵan elder basqarýdyń jańasha tásilin qoldanyp jatty. Damyǵan elderdiń basqarý júıesindegi tásilderdi sanalap aıtpaıyn. Sebebi áli ýaqyty kelmedi. 

Túıin: belgili bir jobany talqylaý úshin kóptegen dóńgelek ústelder men kezdesýler ótkizýge kóp ýaqyt joǵaltýdy, salyq tóleýshilerdiń aqshasyn jón-josyqsyz ońdy-soldy shashýdy toqtatý kerek. Men odanda mundaı sharalardan bólek ispen aınalysa bergenim durys", deıdi Arman Evnıev. 

Aýdarǵan: Ásel Bolatqyzy