Qoǵam belsendisi, zańger Aıgúl Orynbek áleýmettik jelidegi paraqshasynda Uljan esimdi tórt balaly áıeldiń balalary teri aýrýyna shaldyqqany jaıynda jazba jarıalady, dep habarlaıdy Qamshy.kz aqparat agenttigi. 

Dárigerlerdiń salǵyrttyǵynan búginde balalardyń aýrýy tym asqynyp bara jatqanyn aıtyp, zańger dabyl qaǵady.

"SOS! Balalardyń basy qurttap jatyr!

Birtanov qaıda qarap otyrsyz?

Tún ishinde tórt balanyń anasy Uljan habarlasty.
Tórt balasynyń basyna jara shyǵyp, 2018 jyly jeltoqsanda Shymkent qalasynyń "Teri aýrýlar emdeıtin" emhanasyna barǵan eken. Biraz ýaqyt em alyp bolǵan soń, "ý vas ýlýchshenıe" shyǵa berseńizder bolady"- dedi Uljan.
Alaıda balalarynyń basyndaǵy jaralary irińdep, qyzýy kóterilip aýyra bastaǵan soń emhanaǵa qaıta kelgen. "Tegin jatý úshin qujat rásimde, portal arqyly kelesiń" degen soń, búkil qujattardy aýylǵa baryp daıyndadym, ertesine emhanaǵa kelip analız jasattym. Bir qyzymda ınfeksıa bar, qalǵan úsheýinde joq"- dep berdi laboratorıa. "Sosyn men sol emhanadaǵy aqyly laboratorıaǵa baryp tapsyrdym. Ol jerde ınfeksıa juqpaly dep anyqtap berdi"- dep jylap otyr. "Qanyna ótip ketken, endi súıekke ótýi múmkin"- dep otyr basqa vrachtar. "Men ne isteımin ápke?"- dep jylaǵan Uljandy ne dep jubatarymdy bilmedim. "Birinshi kezde vrachtar jaqsylap qarasyn dep 25 myń aqsha berdim, endi olarǵa qaıta-qaıta bere beretin aqsham da joq. Balalar úsh aıdan beri mektepke barmady. Bul jara maǵan da juqty. Biz qazir úıdemiz. Erteń bárimiz bir úıde shirip, ólip qalsaq qana qaraıdy ma bizge? Memleketten qanshama aqsha bólinip jatyr, nege bizge jaqsylap qaramaıdy?"- dep eńiregen Uljanmen erteń tańda tikeleı efır túsiretin boldym. 
"Búkil Oblystyq densaýlyq saqtaý departamentine qarasty, Teri aýrýlary emhanasynyń zańsyzdyqtaryn aıtyp berem, ápke. Men sıaqty jylap júrgender óte kóp!"- dep otyr.