Aldanysh Ramazanqyzy  1945 jyly Baı-Ólke aımaǵynyń ortalyǵy Ólgeı qalasynda dúnıege kelgen. Dúnıejúzindegi qazaq qyzdarynyń arasynan Olımpıada oıyndaryna qatysqan tuńǵysh sportshy.

Ol 1960 jyly  tájirıbeli bapker Ivanovtyń jeke baqylaýynda kásibı jattyǵýdy bastaıdy.

1961 jyly Búkilhalyqtyq spartakıadaǵa 200 metrlik júgirýden áıelder arasyndaǵy rekordty jańalaıdy. Nátıje: 25,6 sekýnd. Burynǵysy – 27,3.

Bir aı ótkennen keıin Aldanysh Ramazanqyzy 400 metrdi 58,8 sekýndte, 800 metrdi  2.20,7 sekýndte  júgirip  ótip, taǵy da rekord jańartty.

Naqtyraq aıtqanda, 1961 men 1971 jyldar aralyǵynda Aldanysh Ramazanqyzynyń  aldyna túsken adam balasy bolmapty. Sportsúıer qaýym Aldanysh Ramazanqyzyn «Jeńil atletıkanyń hanshaıymy» ataǵan.

1964 jyly Tokıo qalasynda ótken álemniń 93 elinen 5140 sportshy qatysqan  jazǵy Olımpıada oıyndaryna qatysqan. Onyń 681-i áıel zaty. Bul – álemdik Olımpıada tarıhynda Azıa qurlyǵynda ótip otyrǵan tuńǵysh doda. Bul dodaǵa qatysý barysynda Aldanysh Ramazanqyzyn Olımpıadaǵa daıyndaý kezinde Keńes elinen arnaıy bapker shaqyrylady.

Búgingi tańda Aldanysh Ramazanqyzy Ulan-Batyr qalasynda ómir súrip jatyr. Qatardaǵy orta mekteptiń birinde ustaz. Mońǵoldyń sport tarıhynda tuńǵysh «Sport sheberi» ataǵyn alǵan áıel zaty retinde tirkelse, taǵdyr oǵan qazaq halqynyń arasynan «Olımpıadaǵa qatysqan alǵashqy qazaq qyzy» degen atty syılapty.