Almaty oblysy ákimi Amandyq Battalovtyń úkimimen Almaty oblysy ishki saıasat basqarmasynyń basshysy bolyp - Ǵalıasqar Tólendiuly Sarybaev taǵaıyndaldy. Bul týraly "Qamshy" portaly Almaty oblysy ákiminiń baspasóz qyzmetine silteme jasaı otyryp habarlaıdy.

Ǵalıasqar Sarybaev - 1963 jyly týǵan. Qazaqtyń S.M.Kırov atyndaǵy memlekettik ýnıversıtetin jáne Qazaq Eńbek jáne áleýmettik qatynastar Akademıasyn bitirgen. Mamandyǵy boıynsha — mehanık, zańger.

Eńbek jolyn V.I. Lenın atyndaǵy Pavlodar traktor zaýytynda ınjener-konstrýktor bolyp bastaǵan. Ár jyldarda Kerbulaq aýdandyq komsomol komıtetinde jáne jergilikti atqarý organdarynda jaýapty qyzmetterde boldy. Keıin Almaty oblystyq Aqparat jáne qoǵamdyq kelisim basqarmasynda bas maman, bólim bastyǵy, Almaty oblystyq ishki saıasat basqarmasy bastyǵynyń orynbasary qyzmetterin atqarǵan.

2011 jyldyń mamyrynan — Taldyqorǵan qalasy ákiminiń orynbasary.

Ǵalıasqar myrzanyń İshki saıasatqa barýyn áleýmettik jeli qoldanýshylary jyly qabyldady. Mysaly, Taldyqorǵan qalasy Baspasóz qyzmetiniń jetekshisi Ǵalımurat Júkel óziniń feısbýktegi paraqshasynda bylaı dep jazdy: "Bolamyn degen balanyń, betin qaqpa, belin  bý" degen sózdi Ǵalıasqar Tólendiulynyń óz aýzynan birneshe márte estigem. Sondyqtan bolar, jastardyń qanatyn qataıtyp, baǵyn ashýǵa baryn salatyn".

Al buǵan deıin  Almaty oblysy ishki saıasat basqarmasyn Gúljıan Súleımenova basqaryp kelgen.

Gúljıan Maǵdanqyzy oblystyń ishki saıasat basqarmasyn uzaq jyldar basqarsada, qazaqtildi elektrondy BAQ-pen jumys jasaýda belsendilik tanytpaǵan edi. Biz Ǵalıasqar myrza osy kemshilikti túzeıdi degen senimdemiz.

"Qamshy" portaly ujymy Ǵalıasqar Tólendiulyn jańa taǵaıyndalǵan qazmetimen quttyqtaı otyryp, jumystaryna sáttilik, tabys pen jemis tileıdi.