Kaırdegi «ál-Azhar» ýnıvesıtetiniń bas múftıi Ahmad ál-Taıyb ıslam dástúrinde ejelden qalyptasqan kóp áıel alýshylyqqa qarsy shyqty.

«Kóp áıel alyp, ıslamnyń bir mindetin atqaramyn degender ońbaı qatelesedi. Quranǵa tereńinen úńilip kórsin. Onda bir nekelilik, ıaǵnı monogamıa jaıly tereńinen aıtylǵan, al kóp áıel alý jaıly ereje joq. Oǵan belgili shekteý bar, ári ádilettilik jaǵy da qarastyrylǵan. Birneshe áıeline ádiletti bola almaǵan erkek tek bir áıel alsyn!», - dedi din mamany.

Onyń aıtýynsha, kóp áıel alýshylyq – áıelder men balalarǵa degen ádiletsizdiktiń belgisi. «Áıel – qoǵamnyń bir bólshegi, teń jartysy. Olardyń múddelerin de oılaýymyz tıis», - dedi múftı. Alaıda kóp áıel alýǵa tyıym salý týraly aıtpaǵan. Tek áıelderdiń quqyǵyn, qalaýyn syılaı bilý kerektigin eskertti.

«Islamda áıelderge erekshe qurmetpen qaraıdy. Olarǵa degen qarym-qatynasta ıslam dini er adamnan ádiletti bolýdy talap etedi», - dep sózin qorytyndylady.

Jalpy kóp áıel alýshylyq álemde sırek kezdesedi. Al Túrkıa, Týnıs jáne Izraılde kóp áıel alýǵa zań turǵysynan tyıym salynǵan.

Derekkóz: newsru.co.il

Usynǵan: Gúlim Jaqan