Tehas shtatynyń (AQSH) turǵyny toǵyz mınýtta alty balany dúnıege ákeldi. Bul jaıynda tehastyq áıel áleýmettik jelidegi  Facebook paraqshasynda málimdegen dep Qamshy.kz aqparat agenttigi lenta.ru saıtynyń deregin negizge ala otyryp habarlaıdy. 

15 naýryz kúni tańǵy saǵat 4:59 shamasynda 2 qyz 4 ul bala dúnıege keldi. Jańa týylǵan nárestelerdiń salmaǵy 800-den 1300 gramǵa deıin. Qazirgi tańda perzenthana dárigeri  olardyń anasy, Telma Chıakanyń  jaǵdaıynyń jaqsy ekendigin habarlady. 

Chıaka qyzdarynyń esimderin Zına jáne Zýrıel dep atamaq. Al 4 ulynyń esimderin qalaı ataıtynyn áli oılap úlgermegendigin aıtady. 

Tehas perzenthanasy qyzmetkerleriniń aıtýy boıynsha, mundaı qubylys tek 4,7 mıllıard adamnyń birinde ǵana kezdesedi eken. 

Aqpan aıynda dál osyndaı jaǵdaı Irakta da oryn alǵan. Irak turǵyny 7 egiz balany dúnıege alyp kelgen. 25 jastaǵy ana 6 qyz 1 ul bosanǵan. Degenmen, dúnıege kelgennen birneshe kúnnen keıin 7 bala da aýrýhanada kóz jumǵan. 

Usynǵan: Farıza Jomartqyzy