Bar Álemdi súısindirip, tań qylyp,
Erledińiz Astanany saldyryp!
Bolashaqqa batyl qadam bastadyq,
Beıbit kúnde biz Rýhanı Jańǵyryp!

Sizben atty Táýelsizdik nur tańy,
Máńgilik El tek bıikke shyrqady.
Sondyqtan da Bizdiń Tuńǵysh Prezıdent – 
Bir Ózińiz – Tektilerdiń Urpaǵy!

Bıik-bıik asqaqtasyn Ar Týy!
Táýelsizdik – Tektiliktiń Tartýy!
Men ómirdi súıip kettim, NUR-AǴA,
Ózińizdi jaqsy kórý arqyly!

Uly Dalam – baqyttylar mekeni,
Aıan bizge jer jánnaty ekeni!
Sizdi kórse, NURDY kórse BİR SİZDEI,
Kúlli ǵalam aqyn bolyp ketedi!

Kún nurymen aspan kúler ashylyp,
Sol bir nurdaı kórkem jansyz has ulyq.
Erledińiz talaı iste el úshin,
Qazaqstannyń abyroıyn asyryp!

Qurmettisiz úlkenge de, jasqa da,
Kóterdińiz talaı beıbit bastama.
Nyǵymeti, Jaratqannyń Nurysyz,
Nurdy kórse – til bitedi tasqa da!

Ánurany, Eltańbasy, Týy bar,
Táýelsizdik qadirin el uǵynar.
Ózińizben birge jasap, bir ósip,
Qazaq Eli is tyndyrdy qyrýar!

Qyranqanat Kún astynda qaǵylar,
Janyńyzdyń danalyǵyn jan uǵar.
Ózińizdeı Tulǵa týǵan Qazaqtyń,
Bul jalǵanda bes elideı baǵy bar!

Qazaqstannyń ósirdińiz órkenin,
Sizge tán ǵoı kórkem minez, kórkem ún.
Meıirimmen jol ashtyńyz jastarǵa,
Egemendi eldiń oılap erteńin!

Kemeńgerim, kóregenim, jyrymsyz,
Bir jańalyq jetkizdińiz búgin, Siz.
Ketkenmenen Prezıdenttik orynnan,
Júregimnen ketpeıtuǵyn NURYMSYZ!

Baltabek Nurǵalıev