Salamatty urpaq – Ult bolashaǵy! Ult taǵdyry – urpaq qolynda ekenin jaqsy túsingen ata-babamyz jas analarǵa qamqorlyq kórsetýdi jas urpaǵynyń sanasyna sińirip ósirgen. Damýdyń dańǵyl jolyna baǵyt túzegen Qazaqstannyń Túńǵysh Prezıdenti, Ult Kóshbasshysy Nursultan Ábishuly da óziniń ár jylǵy joldaýlarynda jas analar men sábılerdi nazaryna tys qaldyrmaıdy. Qazaqstandaǵy jas analardyń ulttyń sanyn kóbeıtýge esh kedergi keltirmeý úshin barlyq qolaılylyqtar týǵyzyp otyrǵkany da jasyryn emes. Mysaly Qazaqstandaǵy demografıalyq ósim joǵary kórsetkishti nusqaıtyn Ońtústik Qazaqstan oblysynda da bolashaq analar úshin túrli keńester berilip, qyzyqty jıyndar uıymdastyrylyp turady.  Osyndaı salýattylyqty nasıhattaıtyn jıyn OQO-da ótti. Munda dárigerler áıelderge bosanýdyń jańa tásilderin úıretýde. Eýrapadan kelgen jańa ádis barlyq perzenthanalarda qoldanysqa engizilgen. Mamandardyń aıtýynsha, bul ádisti ıgergen kelinshek aman-esen bosanady. Mamandar buǵan qosa ana men bala ólimi azaıady den senedi. Osy oraıda jańa ádisti keńinen nasıhattap, halyqqa túsindirý jumystaryn júrgizý úshin qaladaǵy barlyq emhanalarda bosanýdy josparlaý kabınetteri jumys jasaýda. Mysaly, QR Densaýlyq saqtaý mınıstrligi mundaı bastamalarǵa ár kez qoldaý bildirip, sonymen qatar, bolashaq analarǵa arnalǵan túrli keńester kýrsyn uıymdastyrýdy qolǵa alǵan. Qazaqstan Respýblıkasynyń Densaýlyq saqtaý mınıstriniń 2003 jylǵy 14 tamyzdaǵy N 612 buıryǵymen bekitilgendeı,   bosanýdyń aldynda turǵan jas analarǵa akýsherlik-gınekologıalyq kómekti jetildirý jáne odan ári damytýǵa, áıelder konsýltasıasynyń (kabınetiniń) qyzmetin uıymdastyrý, oblystyq, Astana jáne Almaty qalalary densaýlyq saqtaý basqarmalarynyń (departamentteriniń) bastyqtary erejege sáıkes áıelder konsýltasıasynyń, kabınetteriniń qyzmetin uıymdastyrsyn degen buıryq búginde kúshine engen. OQO-daǵy oń qadam sonyń dáleli bolmaq.