Atyraýda qaza tapqan polıseıdi myńdaǵan adam sońǵy saparǵa shyǵaryp saldy. Mahambet aýdanynyń Bereke aýylynda sýǵa batyp bara jatqan áıeldi qutqaramyn dep, qaza bolǵan 24 jastaǵy polısıa serjanty Shalqar Ákimǵalıevti jerleý rásimi ótken bolatyn dep, habarlaıdy Qamshy.kz aqparat agenttigi.
Marqumdy sońǵy saparǵa shyǵaryp salý sherýinde aǵaıyn-týystary, dos-jarandary men qalanyń myńdaǵan turǵyndary qatysqan edi. Batyr jerlesterin aqtyq saparǵa shyǵaryp salýǵa İİM , Atyraý oblystyq jáne qalalyq ákimdiginiń qyzmetkerleri, QR Senat depýtaty, ishki ister organdarynyń ardagerleri, aımaqtaǵy barlyq kúshtik qurylymdardyń jáne qoǵamdyq uıymdardyń músheleri, Qazaqstannyń musylmandar dinı basqarmasynyń resmı ókili bastaǵan Atyraýdaǵy barlyq ımamdar, jergilikti depýtattar, prokýratýra organdarynyń ókilderi qatysty. Senat spıkeri Darıǵa Nazarbaevanyń, «Nur Otan» partıasy tóraǵasynyń birinshi orynbasarynyń, İshki ister mınıstriniń kóńil aıtý jedel hattary oqyldy.
Aımaq basshysy Nurlan Noǵaev marqumnyń otbasyna kóńil aıtyp, bul bir áýlettiń ǵana emes, búkil eldiń qaıǵysy ekendigin atap ótti.
- Búgin aýyr kún. Bul aǵaıyn- týystardyń ǵana emes, búkil qazaqstandyqtardyń ortaq qaıǵysy, sondyqtan, biz sizdermen birge qaıǵyryp otyrmyz. Marqumnyń esimi júregimizde máńgi saqtalady. Osyndaı maqtaýly uldy tárbıelegenderiń úshin Sizderdiń aldaryńyzda bas ıemiz,- dedi Nurlan Noǵaev.
Polıseıdiń zıraty basynda úsh ret myltyq atyldy.
İshki ister organdarynda Shalqar Akymǵalıev bes jyldan astam ýaqyt qyzmet etip kelgen. 1 sáýirde 25 jasqa tolar edi.
Usynǵan: Farıza Jomartqyzy
