Kúlli álemge qazaq atyn tanytqan Dımash Qudaıbergenniń Reseıdegi eń alǵashqy konserti kúni keshe Máskeýdiń Kremlinde keremet deńgeıde ótti.
Vladimir K esimdi azamattyń youtube.com-daǵy jeke kanalynda Dımashtyń Kremlde ótken konsertiniń tolyq nusqasy shyqty dep habarlaıdy Qamshy.kz aqparat agenttigi.
Ótken jyldyń jeltoqsan aıynda ánshi Kreml saraıynyń sahnasynda óner kórsetetinin habarlaǵan edi. Áýeli Dımash bir konsert berýi tıis edi, biraq bıletter jyldam satylyp ketip, reseılik taraptyń ótinishimen qazaqstandyq ánshi kelesi kúni de sahnaǵa shyǵýǵa kelisim bergen edi.
Jandy daýysta ótken án keshi úzilissiz týra 3 saǵatqa jalǵasty. Osy ýaqyt aralyǵynda Qudaıbergenov repertýaryndaǵy qazaq, orys, fransýz, aǵylshyn tilderindegi ánderdi, sondaı-aq, jańa týyndylaryn oryndady.
Daýys múmkindigi 6 oktavaǵa deıin baratyn Dımashtyń ónerin 6 myń adam tamashalady. Konsert "D-Dınastıa" dep ataldy. Ony uıymdastyrýǵa tanymal reseılik kompozıtor Igor Krýtoı atsalysqan.
Zalda otyrǵan kórermender Dımash án salǵanda deneleri túrshikkenin, úılerine qaıtqan kezde de esterin jıa almaǵandaryn aıtty.
Usynǵan: Maqpal Sembaı
