«Nur Otan» partıasynyń Hatshysy: Astananyń ataýyn Nur-Sultan dep ózgertýdi qoldaımyn «Nur Otan» partıasynyń Hatshysy Ilá Terenchenko Memleket basshysynyń Qazaqstan Respýblıkasynyń astanasy – Astana qalasyn Qazaqstan Respýblıkasynyń astanasy – Nur-Sultan qalasy dep qaıta ataý týraly Jarlyqqa qol qoıýyn qoldaıtynyn bildirdi. Onyń aıtýynsha, táýelsiz Qazaqstannyń negizin qalaýshy uly tulǵanyń esimin eldiń astanasyna berý bolashaqta budan da zor, aýqymdy jeńisterge sebepshi bolmaq. «Astanaǵa Elbasynyń esimin berýdi qazaqstandyqtardyń Tuńǵysh Prezıdentimizdiń memlekettiń qalyptasýyna sińirgen orasan zor eńbegine kórsetken qurmeti dep bilemin. Sondyqtan osy bastamany tolyq qoldaımyn. Bul – ádiletti ári durys sheshim. Óıtkeni Astana Elbasynyń tól týyndysy. Bas-aıaǵy 20 jyldyń ishinde shaǵyn qalanyń ornynda Qazaqstannyń brendine aınalǵan damyǵan iri megapolıs paıda boldy. Búginde elimizdiń barlyq óńiri osy Astanaǵa qarap boı túzeıdi. Bul Elbasynyń eren eńbeginiń jemisi ekeni sózsiz», – dedi Ilá Terenchenko. Sondaı-aq ol Qazaqstannyń búgingi jetistikteri men jeńisteriniń barlyǵy Tuńǵysh Prezıdenttiń esimimen tyǵyz baılanysty ekenin nazarǵa aldy. «Elbasynyń eldiń jańa astanasyn salý týraly sheshimi damýǵa tyń serpin bergen tarıhymyzdaǵy eń mańyzdy qadam boldy. Sondyqtan Táýelsiz Qazaqstannyń negizin qalaýshy tulǵanyń esimin bas qalamyzǵa berý elimizdiń odan ári damýyna oń áserin tıgizetinine senemin», – dedi «Nur Otan» partıasynyń Hatshysy.