"Qazaq ekenimdi maqtan tutamyn": Dımashtyń Máskeýdegi ekinshi konserti de dúrkirep ótti

/uploads/thumbnail/20190324115216666_small.jpg

Dımash Qudaıbergenniń Kreml sahnasyndaǵy ekinshi jeke konserti de anshlagpen ótti, dep habarlaıdy Qamshy.kz aqparat agenttigi ♦Sputnik Qazaqstan saıtyna silteme jasap.

Dımashtyń Máskeýdegi birinshi konserti qalaı dúrkirep ótse, ekinshisi de joǵary deńgeıde boldy. Reseıdiń bas sahnasy – Kremldiń alty myń oryndyq úlken zaly kórermenderge lyq toldy. Dımashtyń 56 elden kelgen fanattarynan bólek, Reseıdiń túkpir-túkpirinen ónersúıer qaýym kóptiń aýzynda júrgen qazaq ánshisin tyńdaýǵa kelgen.
Dımashtyń Kremldegi konserti

Konsert úzilissiz eki jarym saǵatqa sozyldy. Dımash kesh barysynda qazaq, orys, aǵylshyn, qytaı, fransýz tilderinde án shyrqady. Tipti "Screaming" ánimen konsertti bastaǵan kezde qazaqsha rep oryndap, jurtty tańǵaldyrdy. "Naǵyz qazaq qazaq emes, naǵyz qazaq - dombyra" degen sózdi jıi aıtyp júretin ánshi dombyrany kúmbirletip, kórermenniń erekshe yqylasyna bólengeni taǵy ras.

Konsertte kópshiliktiń súıikti ánderimen qatar, jańa týyndylar shyrqaldy. Jınalǵan qaýym árbir ánnen keıin Dımashqa qol shapalaqtap, qoshemet kórsetýge tyrysyp baqty. Ásirese, "S.O.S", "Daıdıdaý", "Greshnaıa strast ánderi jurtshylyqty erekshe tánti etti. Dımash ta kesh boıy tyńdarmandaryna raqmet aıtýdan bir sharshaǵan joq. Jınalǵandarmen áńgime barysynda ata-anasyna, ustazdaryna jáne qazaq halqyna sheksiz alǵysyn bildirdi.
Dımash Kreml

"Men ózimniń qazaq ekenimdi maqtan tutamyn!", - dedi Dımash úlken sahnadan.

Sondaı-aq ánshi baýyrlas orys halqyna iltıpatyn jetkize otyryp, "eki halyqtyń dostyǵy máńgige jalǵasady degen úmittemin" dedi.

Kórermender Dımash pen tanymal kompozıtor Igor Krýtoı ekeýiniń ónerin asyǵa kútti. Beker emes, olar usynǵan jańa ánder júrekke jetkeni anyq. Al "Lúbov ýstavshıh lebedeı" ánin búkil zaldyń qosyla shyrqaǵany aıryqsha áserli boldy.

"Dımashtyń Kreml saraıynda óner kórsetýi shyn máninde úlken oqıǵa. Alda kóp konsert, baǵdarlama bar, biraq bul konsert onyń ómirinde, kórermenderdiń ómirinde birinshi bolyp qalady. Óte talantty ánshi Dımashqa án jazý men úshin úlken qurmet. Onyń jańa baǵdarlamalaryn, jańa ánderin búkil álem kútetinine men senimdimin", - dedi Igor Krýtoı.

Konsert sońynda Dımash sahnadan túsip, kórermenderdiń arasyna bardy. Búkil zal oryndarynan tik turyp, erekshe daýys ıesinen ystyq yqylas, qurmet pen qoshemetin, qushaq-qushaq gúlin aıamady.

Dımash Qudaıbergenniń ekinshi konsertinen jurt "Keremet! 2,5 saǵat boıy jalǵyz ózi jandy daýyspen aıtyp shyqty", "Jankúıerleri jan-jaqtan "Dımash" dep aıǵaılap jatqan kezde, ózimniń olarǵa qalaı qosylyp ketkenimdi bilmeı qaldym", "Kórermenderdiń yqylasy keremet boldy. Mundaıdy bizdiń ánshilerdiń eshqaısysynyń konsertinen kórgen joqpyn", "Máskeýdi moıyndatty" degen sózdermen tarqasty.