Nur-Sultan.kz domeni satylymǵa shyǵaryldy dep habarlaıdy Qamshy.kz aqparat agenttigi  ♦telderi.ru atty reseılik saıttar men domender bırjasyna silteme jasap. 

Habarlandyrý avtory domen Qazaqstan elordasynyń jańa ataýyna tolyǵymen sáıkes keletinen jaza kele, bastapqy baǵasy – tórt mıllıon eki júz myń rúbl (24 mıllıon 696 myń teńge) dep kórsetken.

Hostıng qyzmetin usynatyn saıttardyń birinde domenniń Aqtóbe turǵynyna tıesili ekeni aıtylypty. Ol domendi 2019 jyly 20 naýryzda satyp alǵan eken.

Domen Ákimdikke, Týrısik kompanıalarǵa, jańalyq portaldaryna jáne elordanyń ǵalamtor dúkenderine ábden laıyq dep jazylǵan habarlandyrýda. 

Eske sala ketsek, 23 naýryzda Qazaqstan prezıdenti Qasym-Jomart Toqaev Konstıtýsıaǵa ózgertýler engizilgeni týraly zańǵa qol qoıyp, Qazaqstan elordasy Nur-Sultan degen atqa ıe bolǵan edi. Memleket basshysy astana ataýyn ózgertý týraly jarlyqqa da qol qoıdy.

Sóıtip, Astana ataýynyń ózgergenin paıdalanyp, Aqtóbe turǵyny baıyp ketýdiń az-aq aldynda tur.

Usynǵan: Maqpal Sembaı