Japonıada ótip jatqan mánerlep syrǵanaýdan álem chempıonatynyń kúmis júldegeri, qazaqstandyq Elızabet Tursynbaeva jarys sońyndaǵy baspasóz máslıhatynda jýrnalıser suraǵyna jaýap berdi dep habarlaıdy Qamshy.kz aqparat agenttigi ♦Olympic.kz saıtyna silteme jasap.

Jýrnalıser qaýymy Tursynbaevaǵa tórttik salhovty oryndaýǵa qatysty saýal tastaǵan.

- Qazirgi qýanyshymda shek joq. Kúmis medal men úshin kútpegen júlde boldy. Osy sátke deıin bul elementti taza oryndaǵanyma sene alar emespin. Tańerteńgi jattyǵý sátimen ótti. Sońǵy eki jarysta salhovty oryndaý barysynda qate jibergenimdi bilesizder. Mine, búgin taza oryndap shyqtym. Muz aıdynyna bet alǵan kezde ózimdi keremet sezingenmin. Sol sezim sońyna deıin joǵalǵan joq, - dedi Tursynbaeva.

Eske sala keteıik, Elızabet Tursynbaeva Qazaqstan sportynyń tarıhynda tuńǵysh ret álem chempıonatynyń kúmis júldegeri atandy. 

Sondaı-aq, áıelder arasynda tórttik salhovty tuńǵysh oryndaǵan sportshy retinde tarıhta qaldy.

Usynǵan: Maqpal Sembaı