Grýzıa prezıdenti Salome Zýrabıshvılı ázerbaıjan ult ókileriniń grýzın tilin nashar biletindigine qaramastan, olarmen orys tilinde sóılesýden túbegeıli bas tartty dep habarlaıdy Qamshy.kz aqparat agenttigi ♦ruposters.ru saıtyna silteme jasap.
Prezıdent ázerbaıjan ult ókilderin Naýryz meıramymen quttyqtaý úshin arnaıy Gardabanı qalasyna barǵan. Grýzıa Prezıdenti grýzın tilin nashar biletin jergilikti turǵyndarmen orys tilinde sóılesýden bas tartty.
"Men Sizdermen orys tilinde sóılespeımin. Bul talqylanbaıdy. Ol bizdi biriktiretin til emes. Men ázerbaıjan tilinde birneshe sóz jattaı alamyn. Biraq bizdiń bolashaǵymyz bárimizdiń bir tilde sóıleýimizge baılanysty" - dedi el prezıdenti.
Fransıaǵa dúnıege kelip, sonda ósken Zýrabıshvılı grýzın tilinde durys sóıleı almaıtyny úshin únemi synnyń astynda qalatynyn eske sala keteıik.
Ruposters jazyp ótkendeı, 2018 jyldyń qarasha aıynda saılaýda jeńiske jetken soń Zýrabıshvılı Reseı Federasıasymen birigýge qarsy shyǵyp, Máskeýdiń syrtqy saıasatyn synap, eliniń NATO men Eýro Odaqqa kirý jolyn ustananyn málimdegen edi. Ol Kreml "Abhazıa men Ońtústik Osetıany jaýlap alǵanyn" moıyndaǵannan keıin ǵana kelissóz júrgizetinin aıtqan-dy.
Usynǵan: Maqpal Sembaı
