Ýkraınadaǵy saılaýda Vladımır Zelenskıı 30,6 paıyz daýys alyp, birinshi orynǵa shyqty. Odan keıingi oryndarda Petr Poroshenko , — 17,8, Tımoshenko — 14,2, Boıko — 9,8 paıyzben halyqtyń qoldaýyna ıe boldy. Sonymen, Ýkraınada bir aıdan keıin prezıdenttik saılaýdyń ekinshi týry ótedi. Shoýmen, artıs Vladımır Zelenskıı men qazirgi prezıdent Petr Poroshenko ekinshi týrda baqtaryn synaıtyn bolady. Sonymen kimniń múmkindigi joǵary, Poroshenkonyń be, akter Zelenskııdiń be? Endi ony birer aıdan soń biletin bolamyz. Desek te, qazirgi prezıdent Poroshenko nege az daýys alyp qaldy? Sebebi nede?

1. Birinshiden Poroshenko ózi basqarǵan ýaqytta memlekette sońǵy bes jylda tynyshtyq bolǵan joq.
2. Poroshenkonyń mańaıyndaǵylar baıý ústine baıı tústi.
3. Eldiń shyǵysyndaǵy soǵystyń saldarynan myńdaǵan adam opat boldy.
4. Halyqtyń turmystyq jaǵdaıy qıyndady.
5. Ekonomıka álsiredi.
6. Eldiń syrtqy qaryzy kúrt artty.
7. Ýkraına qaryz alǵan alpaýyt memleketterge kiriptar bola bastady.
8. Halyqtyń Poroshenko komandasyna senimi azaıdy.
9. Elde ishki saıası teketires órshidi.

Al birinshi týrdyń ózinde qazirgi prezıdent Poroshenkodan eki ese artyq daýys jınaǵan Zelenskııdi  halyq nege kóbirek qoldady? Onyń birneshe sebepteri bar.

1. Ol halyqtyń arasynan shyqqan qarapaıym adam.
2. Memleket basqarý isinen ada bolǵanymen, tanymal taza tulǵa.
3. Óz oıyn ashyq aıtady.
4. "Donbass aımaǵyndaǵy soǵysty retteý úshin Reseımen tikeleı kelissóz jasaý qajet" dep esepteıdi.
5. Ol "búgingi bılik halyqtyń jaǵdaıyn jaqsartýdyń ornyna jaǵdaıdy ýshyqtyryp jiberdi» dep esepteıdi.
6. Halyqqa da buryn bılikte bolmaǵan taza, osyndaı qarapaıym adam kerek boldy.
7. Sondyqtan Zelenskıı jastarǵa, qara buqaraǵa senim artty.
8. Ol senimi sóıtip aqtaldy jáne birinshi týrda Petr Poroshenkodan eki ese artyq daýys jınady.
9. Zelenskıı eldegi jaǵdaıdy ýshyqtyryp jibergeni úshin búgingi el basqaryp otyrǵandar halyqtyń aldynda qaralanyp, olardyń bireýi sottalýy tıis dep esepteıdi (Petr Poroshenko bolar).
10. Petr Poroshenko Qyrymnan aırylyp qaldy. Donbastaǵy jaǵdaı rettelmedi.

Mine atalǵan sebepter prezıdenttikke kandıdattardyń arasalmaǵyn alshaqtata tústi. Al ekinshi týrda Poroshenko men Zelenskııdiń qaısysy jeńedi? Ýkraınada Odessa oblysyn basqaryp, artynan Poroshenkonyń pármenimen elden qýylǵan Mıhaıl Sakaashvılıdiń oıynsha,  ekinshi týrda Vladımır Zelenskıı prezıdent bolady. Eger múmkindik bolsa, ol Ýkraınaǵa kelip, Zelenskııge  qoldaý kórsetetin málim etti.

–Shyn máninde Vladımır Zelenskıı – óz eliniń patrıoty. Ol eshnárseni búgip qalmaıdy. Oıyn ashyq aıtady. Halyqqa óte jaqyn. Eshqandaı klandyq toptarmen aralaspaıdy jáne olardyń múddesin kózdemeıdi. Buǵan deıin aınalasyna adamdar da jınaǵan joq. Demek halyqty da uıatqa qaldyrmaıdy. Eldegi halyqtyń jaǵdaıyn tıtyqtatqan Poroshenkonyń saıasatynan keıin 5 mıllıon ýkraındyq shetelge ketti. Zelenskıı jaǵdaıdy jaqsartyp, olardyń bárin elge qaıtaramyn dep otyr. Zelenskııdiń memleket basqarý isinde tájirıbesi joq bolǵanynyń ózi jaqsy. Ol sondyqtan aınalasyna búrokrattyq ádetten ada taza, adal adamdardy jınaıdy. Sondyqtan men oǵan barynsha kómektesýge tyrysamyn, –dedi Grýzıanyń eks-prezıdenti, Odessa oblysynyń burynǵy basshysy Mıhaıl Sakaashvılı.

Keıbir áńgimelerge qaraǵanda, "birinshi týrda -aq sýyrylyp alǵa shyqqan Vladımır Zelenskııdiń artynda eldegi baılardyń biri Igor Kolomoıskıı turǵan" sıaqty. Ol "buryn memlekettik qyzmette istemegen, klandyq topqa qatysy joq, qarapaıym ári halyqqa jaqyn Vlapdımır Zelenskııdi ádeıi tańdaǵan jáne prezıdenttikke kandıdat retinde usynǵan" degen aqpar bar.