15 naýryzda Jańa Zelandıadaǵy meshitte terakt kezinde 50 musylman qaıtys bolǵan edi. Atalmysh oqıǵadan keıin Jańa Zelandıanyń turǵyndary musylmandarǵa qoldarynan kelgenshe qoldaý kórsetti.

Atalmysh terakti ıslamofobıany órshitý úshin jasalǵany belgili. Terrorıstiń ózi jer betindegi musylmandardyń sanyn azaıtýdy maqsat etkenin aıtqan. Degenmen, bul jaıttan keıin kerisinshe kóptegen adamdardyń Islam dinine degen qyzyǵýshylyǵy artty. 

Álem boıynsha ózge din ókilderi "sender qulshylyq jasaı berińder, al biz senderdi kúzetemiz" degen plakattardy ustap, meshitterdi kúzetti. Tipti keıbiri kálıma aıtyp, Islam dinin qabyldady. Ári olardyń sany kún sanap artyp kele jatyr. Jantúrshigerlik teraktiden keıin Islam dinin qabyldaǵandardyń tizimin Qamshy.kz aqparat agenttigi oqyrman nazaryna usynady. 

Della Maılz 

Amerıkalyq ánshi, Maıkl Djekson jáne Ýıtnı Hústonmen birge jumys istegen Della Maılz Túrkıada júrgen kezde Islam dinin qabyldady. Álemge áıgili jaz ánshisi Dalla Maılzdyń musylmandyqty qabyldamas buryn Islamdy 1 jyl boıy zerttegen. Keıin Stambul qalasynda musylman atandy. Onyń Islam dinin qabyldaýyna Jańa Zelandıadaǵy terakt yqpal etken. 

"Kóptegen elderde ıslamofobıa oba tárizdi keń etek alýda. Oǵan Jańa Zelandıadaǵy terakt birden-bir dálel bola alady. Meniń júregim qars aıyryldy. Sabyrlylyq pen meıirimniń jetispeýinen sumdyq oqıǵalar oryn alyp jatyr. Al Islam dini osyndaı jetispeýshilikterdiń ornyn toltyrady. Men Islam dinin qabyldap, musylman atanǵanym úshin baqyttymyn. Bul Jaratqannyń maǵan jasaǵan eń úlken syıy", - deıdi tanymal ánshi. Sondaı-aq ol óziniń Instagram paraqshasyna hıdjab kıgen sýretin jarıalady. 

Ofa Týýngafası

Tanymal sportshy, regbıst Ofa Týýngafası Islam dinin qabyldady. Ol Kraıscherch qalasyndaǵy terakt bolǵan meshitte musylmandyqty qabyldaǵan.  Sportshynyń mundaı sheshim qabyldaýyna Jańa Zelandıadaǵy terakt ásert etipti. Ol musylmandyqty qabyldaǵannan keıin teraktiden zardap shekkenderdiń hálin bilý úshin aýrýhanaǵa barǵan. Sondaı-aq ol aýrýhanadaǵy musylmandarmen sóılesýden rahat alǵanyn, shabyttanǵanyn aıtty. 

Keıin "men teraktiden zardap shekken musylmandarmen sóılesip keremet áserge bólendim. Tezirek jazylyp ketýin tileımin! Sizder úshin duǵa jasaımyn", - dep jazdy Ofa Týýngafası óziniń Twitter paraqshasyna. 

Sonnı Lı Ýıláms

33 jastaǵy tanymal sportshy 2009 jyly Islam dinin qabyldaǵan. Biraq Jańa Zelandıadaǵy teraktiden keıin onyń anasy Sonnı Lı Ýıláms musylmandyqty qabyldady. 

Sondaı-aq ınternette taǵy bir Jańa Zelandıa turǵynynyń musylmandyqty qabyldaǵan vıdeosy taraǵan. Onyń da musylmandyqty qabyldaýyna 15 naýryzdaǵy terakti áser etken. 

Aıta ketsek, Jańa Zelandıadaǵy teraktiden keıin 350 adam musylmandyqty qabyldady degen aqparat qyzý talqyǵa túsken. Alaıda bul jalǵan aqpar ekeni dáleldendi. Atalmysh vıdeo 2007 jylǵy ekeni anyqtaldy. 

22 naýryzda Kreıscherch qalasynda basqa musylman elderinde bolmaǵan jaıt oryn aldy. Juma kúngi azan barlyq jergilikti telearnalardan tikeleı efırde kórsetildi. Sondaı-aq myńdaǵan áıelderin qaza bolǵan 50 musylmannyń qurmetine oramal taqty. Premer-mınıstr de oramal tartyp, musylmandarǵa qaıǵyra kóńil aıtty.