Búgin Qazaqstannyń Tuńǵysh Prezıdenti Almaty oblysy Qarasaı aýdanyna barǵan saparynda birge oqyǵan synyptastarymen jáne bala kezdegi dostarymen kezdesip, áńgimelesti dep jazady Qamshy.kz aqparat agenttigi.
Áńgimelesý barysynda Elbasynyń eski dostary ózderiniń estelikterin bólisip, óńirdiń qazirgi damý jaǵdaıyn talqylady.
Aıta keteıik, Qazaqstannyń Tuńǵysh Prezıdenti «Atameken» tarıhı-mádenı ortalyǵynda Shamalǵan aýylynyń turǵyndarymen júzdesken edi.
– Týǵan aýylyma kelgen saıyn árqashan balalyq shaǵymdy jyly sezimmen eske alamyn. Meniń júrip ótken jolym ońaı bolǵan joq, memleketimizdiń ilgerileýi men órkendeýi úshin kóp eńbek ettim. Sharshaǵan kezderimde ákem ekeýimiz jıi serýendegen Shamalǵannyń kósheleri men taý bókterlerin esime alatynmyn. Sol sátte-aq sharshaǵanym basylady, – dedi Elbasy.
Nazarbaev júrgizilip jatqan saıasattyń arqasynda elimizdiń halyqaralyq arenada moıyndalǵanyn atap ótti. Ári qaraı Shamalǵan aýylyndaǵy dene shynyqtyrý jáne saýyqtyrý kesheniniń qurylys barysymen de tanysty.
Usynǵan: Gúlim Jaqan
