Obeıa bólmesi (japon tilinde «úlken bólme» nemese «áskerı bólme») bul — óndiristi, zertteýdi, qosymsha bıznes-úrdister men basqarýdy únemdi paıdalanýǵa arnalǵan, koordınasıa ótkizetin nemese arnaıy sheshim qabyldaýǵa arnalǵan oryn. Obeıa bólmesi Kaıdzen júıesiniń negizinde paıda bolǵan. Bul ádis Japon elinen bastaý alyp, qazirgi tańda kóptegen eldiń kásipte ýaqytty tıimdi paıdalanýdyń jolyn qarastyrýǵa úlken septigin tıgizýde. Obeıa bólmesiniń basty maqsaty — óndiristik jospardy iske asyrýdaǵy prosesti kózben sholý arqyly sheshim tabý, sondaı-aq kompanıa týraly málimetterdi arnaıy kórnekilik quraldary arqyly, kóp sózdi qajet etpeı túsindirip bere alýy kerek. Bul ádisti alǵashqy bolyp paıdalanǵandardyń biri "Toyota" kompanıasy boldy.
Obeıa bólmesiniń basty sharty — kompanıadaǵy kez-kelgen joba nemese ózgerister mindetti túrde A3 qaǵazyna nemese basqa da kórnekilik quraldaryna jazylyp, josparlanýy kerek. Bólmege kirgen menedjer nemese qyzmetker talqylanǵaly otyrǵan joba nemese ózgeris jaıynda sol A3 arqyly naqty aqparat ala bilýi kerek. Nátıjesinde, uzyn sózdiń ornyna ýaqytty tıimdi paıdalanýǵa múmkindik mol bolady. Sondaı-aq, adam aqparatty estigennen góri kórý arqyly tez jattaıtynyn taǵy qosyńyz.
Máselen, fılosof ári bıznes-jazýshysy Maıkl Bale fýtbol komandasynyń jeńiske jetýi úshin arnaıy "obeıa bólmesi"ádisin qoldanýdy usynǵan:
Barlyq fýtbol oıynshylary alańǵa shyǵyp fýtbol oınaǵysy keledi. Eger bapker olardy jaqsylap jattyqtyratyn bolsa, jeńiske jetetinine senimdi. Degenmen, bul jeńiske qol jetkizdik degen sóz emes. Fýtboldyń maqsaty — oıynshylardyń tek doptyń artynan júgirýi emes, komandamen birlikte jumys jasaı otyryp jeńiske jetý. Ol úshin bas bapker oıynnan buryn ár oıynshymen jeke jumys jasaý kerektigin, sondaı-aq, komandalyq strategıany oılastyrý kerektigin biledi. Oıynshylar bul prosesti qabyldaǵanymen, oıyn kezinde ár oıynshy óz erkimen dopty tebýge asyǵady. Iaǵnı, komandalyq strategıanyń joqtyǵynyń saldary olardyń jeńilýine ákep soǵatynyn túsindiredi.
Osy máseleni sheshý úshin olar "obeıa bólmesi" tásilin qoldanýdy durys dep esepteıdi. Nátıjesinde ár oıynshy jeńiske jetý úshin 1aptada bir oıynshy A3 qaǵazyna jospar qurý arqyly jeńiske jetýdiń jolyn túsindirý kerek dep sheshedi. Demek, ár oıynshy jeńiske jetýdegi óz aıla-tásilin A3 qaǵazy arqyly, basqa komanda múshelerine túsindirip, komandamen jumys isteýge múmkindigi artady.
Jańa ónimder nemese jumysta oryn alatyn jańa proseske baılanysty barlyq komandalyq dırektorlar, qyzmetkerler aǵymdaǵy jumysqa aralasýy qajet. Obeıa bólmelerinde josparlanǵan ózgeristerdi ornalastyrý arqyly biz komandalardy ózgeristerge daıyndaý úshin kedergiler men naqty máseleler týraly oılaýǵa kirise alamyz. Bul joba jetekshisiniń aty-jóni, joba jospary jáne máselelerdi talqylaý úshin keńistik retinde sıpattalady.
Sondaı-aq, obeıa bólmesiniń kelesi qaǵıdalarynyń biri kompanıaǵa kelgen jumys izdeýshi bolsyn nemese kez-kelgen iskerlik kezdesýge kelgen adam sizdiń kompanıa týraly jalpy aqparat bile alýy kerek. Ol qandaı aqparat?
Máselen, jumys izdeýshi kompanıaǵa keldi. Basshymen kezdesý úshin syrtta 5-10 mınýt kútip qaldy. Sol ýaqyt aralyǵynda onyń jan-jaǵyndaǵy aqparattarǵa kózi túseri sózsiz. Sol 5-10 mınýt aralyqta siz óz kompanıańyzdy tanytyp úlgerýińiz kerek. Obeıa bólmesi ádisi arqyly siz kompanıańyzdy uzaq aýyz sózben baıandap turmaı-aq aqparat bere alasyz.
Al endi ol aqparat qalaı bolýy kerek, sizdiń kompanıańyz týraly jaqsy pikir qalyptasýy úshin obeıa bólmesi qandaı usynystar bere alady?
Birishiden, kompanıanyń qaı jyly qurylǵany nemen aınalysatyny týraly aqparat mindetti túrde bolýy kerek.
Ekinshi, kompanıanyń jetistikteri. Qandaı sertıfıkattarǵa ıe, qandaı júldelerge ıe boldy degendeı. Kompanıanyń jetistigi kóp bolǵan saıyn adamdardyń sizdiń kompanıańyzǵa degen senimi artady. Sondyqtan, jetistiktikterdiń de oınaıtyn róli zor.
Úshinshi, sizdiń kompanıańyzda jetistikke jetken biregeı qyzmetkerler kimder? Bul arqyly siz, birinshiden, óz qyzmetkerlerińizdi madaqtaý arqyly olardy yntalandyratyn bolsańyz, ekinshi jaǵynan syrttan kelgen adamdar kompanıa qyzmetkerleri jaıynda da aqparat ala alady.
Siz de obeıa bólmesi arqyly ýaqytyńyzdy tıimdi paıdalanyńyz!
