Áshimhanuly Dıdahmet 1952 jyly 10 maýsymda Shyǵys Qazaqstan oblysy, Qatonqaraǵaı aýdany, Jańaúlgi aýylynda týǵan. Qazaq memlekettik ýnıversıtetiniń jýrnalısıka fakúltetin bitirgen (1978).

Eńbek jolyn Shyǵys Qazaqstan oblysy "Komýnızm týy" (1975–1976), "Lenınshil jas" (1978) gazetterinde tilshi bolyp bastaǵan, «Qazaqstan pıoneri» (qazirgi «Ulan»), 1981–1992 jj. «Qazaq ádebıeti» gazetterinde ádebıet, syn bólimin júrgizdi, 1992–1994 jj. halyqaralyq «Zaman – Qazaqstan» gazetiniń bólim meńgerýshisi jáne gazet redaktorynyń orynbasary bolǵan. 1994 jyldan elaralyq «Túrkistan» gazeti redaktorynyń orynbasary, 2003 jyldan «Alash» baspasynyń dırektory

«Aqqabanyń tolqyny» (1981), «On birinshi kúz» (1987), «Kamennaıa pad» (1990), «Jer ańsaǵan sary atan» (1998), «Samyrsyn sazy» (2000) atty áńgimeler men povester jınaqtary jaryq kórdi. Jeke shyǵarmalary ózbek, qyrǵyz, qytaı, mońǵol, orys, ýkraın, marı tilderine aýdarylǵan. Sondaıaq A.Kýrchatkın, T.Mınýlmen, A.Ashırov, H.Abdýllın, P.Pýrzverý, t.b. shyǵarmalaryn qazaq tiline aýdarǵan. Halyqaralyq «Alash» ádebı syılyǵynyń laýreaty (2005).