Semeı polıgonynan zardap shekken myna Azamatty jarty álem biledi. Japonıanyń, Italıanyń dárigerleri emdegen. Esh kómegi bolmaǵan.

Búgin men osy jigittiń ortalyq bazarǵa ótetin Qabanbaı kóshesindegi jer asty jolyndaǵy baspaldaqta qaptaǵan qaıyrshylardyń arasynda qaıyr tilep otyrǵanyn kórdim.
— Qalyń qalaı baýyrym? Bul ne otyrys? - dedim amandasyp.
— Aǵa siz kimsiz? - dedi.
— Men Aımuhanbet degen aǵańmyn. Seni jaqsy bilemin - dedim.
— Aǵa men osyndaı jaǵdaıǵa tústim! Anam qaıtys bolǵan. Qazir meniń kúnim osy. Eshkimge kerek emespin - dedi ol muńaıyp.
Men anasyna kóńil aıtyp, sadaqamdy berip:
— Nalyma baýrym! Bári jaqsy bolady - dedim, jasqa býlyǵyp, daýsym dirildep.

Sol jerden ketken soń ózime-ózim biraz kele almadym. Týa sala taǵdyrdyń tálkegine túsken myna beıkúná beıbaqqa "qolymnyń qysqalyǵynan" kómek bere almaıtynyma nalydym.
Aınalaıyn ákimder-aý, basqa-basqa, myna polıgonnan zardap shekkenderge tiri eskertkish - myna jigittke qaıyr tiletkenderiń qalaı? 

Bir keli rýdasy joq, bir lıtr munaıy joq Japonıa úkimeti atomnan zardap shekkenderin qalaı qamqorlyqqa alǵanyn bilesińder me?

Shyǵys óńiriniń ákimi bolyp, polıgonnan zardap shekkenderdi kózimen kórgen qazirgi mınıstr B.Saparbaev kóz qyryn salar. Semeı qalasynyń ákimi de qalys qalmas!

Jetim-jesirlerge, muqtaj jandarǵa ár qashanda qamqor bolyp júretin Semeıdiń atymtaı-jomarty Marat Qurmanbaev baýyrym bastaǵan qaltaly azamattar muny kórse, bir kómegin berer dep senemin! 
Osyny kórgen Elbasy men QR prezıdenti Q.Toqaev reseıge Atom stansıasyn salǵyzbas buryn "aqylyna" keler dep senemin! Jetim kórseń - jebeı júr degen, darhan qazaqtyń urpaǵy emespiz be?!