Memleket basshysy Qasym-Jomart Toqaev birqatar kadrlyq-aýys túıis jasady dep habarlaıdy Qamshy.kz aqparat agenttigi Aqordanyń baspasóz qyzmetine silteme jasap.

"Memleket basshysynyń ókimimen Murat Bektanov Qazaqstan qorǵanys mınıstriniń birinshi orynbasary – Qazaqstan Qarýly kúshteri bas shtabynyń bastyǵy qyzmetine taǵaıyndaldy, ol Qazaqstan Qarýly kúshteri qurlyq áskerleriniń bas qolbasshysy qyzmetinen bosatyldy", - dep jazylǵan Aqordanyń baspasóz qyzmeti taratqan aqparatta.

Baqyt Qurmanbaev Qazaqstan qorǵanys mınıstriniń orynbasary bolyp taǵaıyndaldy, ol Qazaqstan Qaýipsizdik keńesiniń áskerı qaýipsizdik jáne qorǵanys bóliminiń meńgerýshisi qyzmetinen bosatyldy.

 Marat Orazaev Qazaqstan Aýyl sharýashylyǵy mınıstrliginiń jaýapty hatshysy qyzmetine, al Almaz Nurazhan Qazaqstannyń Ulttyq mýzeıiniń dırektory qyzmetine taǵaıyndaldy.

Sondaı-aq memleket basshysynyń ókimderimen Erjan Babaqumarov Qazaqstan prezıdentiniń keńesshisi – Qazaqstan prezıdenti ákimshiliginiń taldaý jáne boljamdaý ortalyǵynyń meńgerýshisi qyzmetine taǵaıyndaldy, ol burynǵy atqarǵan qyzmetinen bosatyldy.

Erlan Qarın Qazaqstan prezıdentiniń keńesshisi qyzmetine taǵaıyndaldy.

Talǵat Momyshev Qazaqstan Energetıka mınıstrliginiń jaýapty hatshysy qyzmetine taǵaıyndaldy.

Murat Maıkeev basqa jumysqa aýysýyna baılanysty Qazaqstan qorǵanys mınıstriniń birinshi orynbasary – Qazaqstan Qarýly kúshteri bas shtabynyń bastyǵy qyzmetinen, Talǵat Janjúmenov basqa jumysqa aýysýyna baılanysty Qazaqstan qorǵanys mınıstriniń orynbasary qyzmetinen, Qýatjan Ýálıev Qazaqstan Mádenıet jáne sport mınıstrliginiń jaýapty hatshysy qyzmetinen bosatyldy.

Usynǵan: Maqpal Sembaı